2 | “Uruhoza ruva mu Vyanditswe”
BIBILIYA IVUGA ITI: “Ivyanditswe kera vyose vyanditswe kugira bitwigishe, kugira ngo biciye ku kwihangana kwacu no ku ruhoza ruva mu Vyanditswe tugire icizigiro.”—ABAROMA 15:4.
Ico bisobanura
Bibiliya irimwo ivyiyumviro biremesha bishobora kuturonsa inkomezi n’ukwihangana igihe dufise ivyiyumviro bica intege. Vyongeye, Bibiliya iratwizeza ko vuba ata wuzosubira gutuntura.
Ingene vyoshobora kudufasha
Naho twese bishika tukiganyira, abafise akabonge canke abama bahagaritse umutima bobo boshobora kugumana umubabaro udahera. None Bibiliya yofasha gute?
Bibiliya irimwo ivyiyumviro vyinshi biremesha dushobora gusubiriza ivyiyumviro bica intege. (Abafilipi 4:8) Mu vy’ukuri, irashobora kudufasha kugira ivyiyumviro biremesha vyotuma dutekana mu mutima.—Zaburi 94:18, 19.
Bibiliya irashobora kudufasha kwikuramwo iciyumviro c’uko ata co tumaze.—Luka 12:6, 7.
Imirongo myinshi yo muri Bibiliya iradukura amazinda ko tutari twenyene, kandi ko Imana, ikaba n’Umuremyi wacu, idutahura neza.—Zaburi 34:18; 1 Yohani 3:19, 20.
Bibiliya isezerana ko Imana izokuraho ibintu bibi vyose twibuka vyatubabaje. (Yesaya 65:17; Ivyahishuwe 21:4) Igihe rero dufise ivyiyumviro biduhungabanya, uwo muhango urashobora kuturonsa inkomezi zo kwihangana.
Raba kandi
INYISHU Z’IBIBAZO BISHINGIYE KURI BIBILIYA
Woba woshobora kuronka ivyiyumviro vyokuremesha muri Bibiliya?
Imirongo yo muri Bibiliya yararemesheje abantu benshi bariko barashikirwa n’ibintu bibabaje.
