NUGUME URI MASO!
Abantu ntibacizigira abanyapolitike: Bibiliya ibivugako iki?
Mu 2024, hazoba amatora menshi hirya no hino kw’isi. Ariko rero, abantu benshi ntibacizigira abanyapolitike.
Mu matohoza yakozwe muri Amerika, Abanyamerika benshi bavuze ko «abanyapolitike benshi bakora ibintu babitumwe n’ubwikunzi», aho kubikora kubera ko bashaka gufasha abantu. a—Vyavuzwe n’ikigo kimwe gikora amatohoza (Pew Research Center), ku wa 19 Nyakanga 2023.
Abakiri bato benshi na bo nyene ntibacizera abanyapolitike.
«Abakiri bato bo muri iki gihe akenshi bipfuza kuronka inyishu z’ibibazo bihambaye bafise. Ariko mw’itohoza ryagizwe, bavuze ko abanyapolitike batabaha inyishu baba bakeneye.»—Vyavuzwe n’ikinyamakuru The New York Times, ku wa 29 Nzero 2024.
«Itohoza ryakozwe ryerekana ko abakiri bato basigaye bizigira abashira amavidewo kuri YouTube kuruta uko bizigira abanyapolitike.»—Vyavuzwe n’ikinyamakuru The Korea Times, ku wa 22 Nzero 2024.
Twoba twokwizigira ko abanyapolitike bazotuma ibintu bigenda neza? Ni nde twokwizigira?
Nube maso mu guhitamwo uwo wokwizigira
Abantu barakwiye kuba maso mu guhitamwo abo bizigira. Bibiliya ivuga ko «umuntu atagira ubwenge yemera ivyo bamubwiye vyose, ariko umuntu yiyubara aritondera intambuko ziwe.»—Imigani 14:15.
Kugira uronke impanuro ngirakamaro z’ukuntu wosuzuma nimba amakuru ari ay’ukuri canke ay’ikinyoma, nusome ikiganiro kivuga ngo «Niwirinde amakuru y’ikinyoma.»
Vyongeye, mbere n’abanyapolitike bafise umutima mwiza kandi bipfuza gufasha abantu barafise aho bagarukiriza mu vyo bakora. Ni co gituma Bibiliya ituburira ngo:
«Ntukishimire abatware, ntukishimire mwene Adamu, kuko ata rukiza ruri muri we.»—Zaburi 146:3, Bibiliya Nyeranda.
Umutware wokwizigira
Bibiliya irerekana ko Imana yashizeho Umutware ashoboye gutegeka gusumba abandi kandi dushobora kwizigira, na we akaba ari Yezu Kristu. (Luka 1:32, 33) Yezu ni Umwami w’Ubwami bw’Imana, na bwo bukaba ari intwaro iganza iri mw’ijuru.—Matayo 6:10.
Nurabe igituma wokwizigira Yezu n’ivyo azokora kugira atorere umuti ingorane ziduhanze. Nusome ikiganiro kivuga ngo «Umwami w’Ubwami bw’Imana ni nde?» hamwe n’ikivuga ngo «Ubwami bw’Imana buzokora ibiki?»
a Pew Research Center: “Americans’ Dismal Views of the Nation’s Politics,” Nyakanga 2023.
Raba kandi
IBINDI BIGANIRO
Intwaro zirangwa n’igiturire zoba zizokwigera zivaho?
Raba imvo zitatu zotuma twizigira ko hari intwaro imwe rudende itazokwigera irangwamwo igiturire.
IBINDI BIGANIRO
Niwizigire ko kazoza ari keza
Kubera iki ivyo Bibiliya isezerana bitandukanye n’ivyo abantu basezerana hamwe n’ivyo bavuga ko bizoba?
INYIGISHO Z'ISHIMIKIRO ZO MURI BIBILIYA
Ubwami bw’Imana ni iki?
Mu bikorwa Yezu yaranguye kw’isi, yarigishije cane ibijanye n’Ubwami bw’Imana. Haraciye imyaka amajana abantu basenga basaba ko ubwo Bwami buza.
INYISHU Z’IBIBAZO BISHINGIYE KURI BIBILIYA
Amahoro azoza kw’isi gute?
Numenye ukuntu Imana yasezeranye kuzana amahoro kw’isi biciye ku Bwami bwayo.
INYIGISHO Z'ISHIMIKIRO ZO MURI BIBILIYA
Ni ibiki bitwemeza ko Bibiliya ikomoka ku Mana?
Nimba Bibiliya ikomoka ku Mana, itegerezwa kuba ata ho isa isana n’ibindi bitabu vyanditswe.
IBITWEREKEYE
Gusaba ko tukugendera
Nimuganire ikibazo gishingiye kuri Bibiliya canke mwige ibindi ku vyerekeye Ivyabona vya Yehova.
