Kwamamaza urubuga rwa JW.ORG mu imurika ryabereye i Toronto
Guhera ku itariki ya 13 kugeza ku ya 16 Ugushyingo 2014, i Toronto habereye imurika ry’ibitabo. Abantu basaga 20.000 bitabiriye iryo murika ryamaze iminsi ine.
Abahamya ba Yehova na bo bari mu baje muri iryo murika bafite akazu keza cyane gakeye. Nanone hari ahantu berekanaga uko wakoresha urubuga rwacu ukoresheje tabuleti.
Hari umugabo wari mu bateguye iryo murika wavuze ati “urubuga rwanyu ruhuje n’igihe tugezemo. Numva abandi baje muri iri murika bafite byinshi babigiraho.” Abasuraga ako kazu twamurikiragamo bavugaga ko urubuga rwacu rukoranywe ubuhanga, kurukoresha bitagoye kandi ko rutanga ibisubizo by’ibibazo abantu bakunze kwibaza. Nanone batangajwe n’ukuntu urubuga rwacu rufasha abantu guhangana n’ibibazo bahura na byo mu buzima.
Abahamya bari bitangiye gusobanurira abantu muri iryo murika, batangajwe no gusanga hari abantu benshi batari bazi urubuga rwa jw.org mbere y’uko iryo murika riba. Mu bantu bose basuye aho twamurikiraga, hafi ya bose bemeye udukarita turiho aderesi yacu cyangwa inkuru y’Ubwami ifite umutwe uvuga ngo “Twakura he ibisubizo by’ibibazo bikomeye mu buzima?” Abenshi bavuze ko bifuza kongera gusura urubuga rwacu kandi hari bamwe bemeye ko Abahamya ba Yehova babasura iwabo.
Kubera ko umunsi wo kuwa gatanu wari ugenewe abana, Abahamya baberetse filimi z’abakiri bato ziri ku rubuga rwa jw.org. Amatsinda atandukanye y’abanyeshuri baherekejwe n’abarimu babo bazaga kureba izo videwo.
Umugabo ukora mu kigo gicapa Bibiliya wari uvuye mu mugi wa Chicago yaje aho twamurikiraga ibitabo maze avuga ko Bibiliya—Ubuhinduzi bw’isi nshya ikoze neza cyane. Yifuje kubonana n’abayicapye maze bamuha agakarita kariho aderesi y’Abahamya.
Urubuga rwacu ruboneka mu ndimi zisaga 700. Abaje aho imurika ryaberaga barusuye mu ndimi 16, ari zo: icyamuhariki, icyesipanyoli, icyongereza, icyorudu, igifaransa, igihindi, igikoreya, igiporutugali, igishinwa, igisuwede, igitamili, igitigirinya, ikibengali, ikigiriki, ikigujarati n’ikiviyetinamu.
Umuhamya wakiraga abashyitsi baje aho Abahamya bamurikiraga, yavuze ko hari itandukaniro riri hagati yo kubwira abantu iby’urubuga rwacu no kurubereka. Yaravuze ati “twabonye uburyo bwiza bwo kwamamaza urubuga rwacu.”
Ibindi wamenya
URUBUGA RWA JW.ORG
Uko wabona ibyo ushaka mu rundi rurimi
Menya uko washyira urubuga mu rundi rurimi, uko wafungura ipaji mu rundi rurimi nuko washaka igitabo mu rurimi wifuza.
UMURIMO WO KUBWIRIZA
Mu Bufaransa habereye imurika rya Bibiliya ryihariye
Abantu bitabiriye imurika mpuzamahanga ryo mu mwaka wa 2014 ryabereye mu mugi wa Rouen, mu Bufaransa, basuye aho Abahamya bamurikiye Bibiliya.
AMAKURU
Abahamya ba Yehova mu imurika ry’ibitabo ryabereye mu mugi wa Mexico mu mwaka wa 2014
Abahamya ba Yehova bamuritse ibitabo bitandukanye, amagazeti na videwo bishingiye kuri Bibiliya, mu imurika ry’umwaka wa 2014.
IBITABO N’UDUTABO
Twakura he ibisubizo by’ibibazo bikomeye mu buzima?
Ese wahitamo siyansi, filozofiya cyangwa Bibiliya?
UMURIMO WO KUBWIRIZA
Gukoresha JW.ORG dutangaza ubutumwa bwo muri Bibiliya
Abahamya ba Yehova, baba abato n’abakuru, bishimira gukoresha urubuga rufite isura nshya kugira ngo bageze ubutumwa bwiza bw’Ubwami bw’Imana ku bantu benshi bashoboka.