Ibibazo bishingiye kuri Bibiliya
Ese dushobora kumenya ukuri ku byerekeye Imana?
Kuki Imana ishaka ko tumenya ukuri? Soma muri Yohana 17:3
Imana yagiye ivugana n’abantu. Yakoresheje umwuka wera, maze ituma abantu bandika ibitekerezo byayo muri Bibiliya (2 Petero 1:20, 21). Bityo rero, gusoma Bibiliya bishobora gutuma tumenya ukuri ku byerekeye Imana.—Soma muri Yohana 17:17; 2 Timoteyo 3:16.
Imana yaduhishuriye byinshi ku birebana na yo ikoresheje Bibiliya. Yadusobanuriye impamvu yaturemye, itubwira imigisha duhishiwe mu gihe kizaza n’uko twagombye kwitwara muri iki gihe (Ibyakozwe 17:24-27). Yehova Imana yifuza ko tumumenya by’ukuri.—Soma muri 1 Timoteyo 2:3, 4.
Kuki Imana yishimira abakunda ukuri?
Yehova ni Imana ivugisha ukuri kandi yohereje Umwana we Yesu ngo yigishe abantu ukuri. Ni yo mpamvu Yesu akunda abantu bashyigikira ukuri (Yohana 18:37). Imana yifuza ko abantu nk’abo ari bo bayisenga.—Soma muri Yohana 4:23, 24.
Umwanzi Satani yatumye abantu benshi batamenya Imana. Ibyo yabikoze akwirakwiza inyigisho z’ibinyoma ku birebana n’Imana (2 Abakorinto 4:3, 4). Abantu babi ni bo bakunda izo nyigisho (Abaroma 1:25). Icyakora, hari abandi babarirwa muri za miriyoni b’imitima itaryarya, biga Bibiliya bakamenya ukuri ku byerekeye Imana.—Soma mu Byakozwe 17:11.
Ibindi wamenya
GAHUNDA YIHARIYE
Kuki ukwiriye kwiga Bibiliya?—Videwo yose
Bibiliya itanga ibisubizo by’ibibazo bikomeye abantu babarirwa muri za miriyoni bo ku isi bibaza. Ese nawe wifuza kuba muri abo?
BIBILIYA IRIMO UBUHE BUTUMWA?
Kuki wagombye gusuzuma Bibiliya?
Suzuma bimwe mu bintu byʼingirakamaro bikubiye mu gitabo cyakwirakwijwe kurusha ibindi ku isi.
