Zaburi 146:1-10
146 Nimusingize Yah!*+
Nanjye reka nsingize Yehova.+
2 Nzasingiza Yehova mu buzima bwanjye bwose.
Nzaririmbira Imana yanjye kandi nyisingize igihe cyose nzaba nkiriho.
3 Ntimukiringire abakomeye,Cyangwa undi muntu wese, kuko adashobora kugira uwo akiza.+
4 Umwuka we umuvamo, agasubira mu butaka,+Uwo munsi ibitekerezo bye bigashira.+
5 Umuntu ugira ibyishimo, ni uwo Imana ya Yakobo itabara,+Akiringira Yehova Imana ye,+
6 Yo yaremye ijuru n’isi n’ibirimo byose,Ikarema n’inyanja n’ibiyirimo byose.+
Ihora ari iyizerwa.+
7 Yehova ni we urenganura abatwawe ibyabo,Agaha abashonje ibyokurya,+Kandi ni we ubohora imfungwa.+
8 Yehova ahumura amaso y’abatabona.+
Yehova aha imbaraga abafite intege nke.+
Yehova akunda abakiranutsi.
9 Yehova arinda abanyamahanga.
Afasha imfubyi n’abapfakazi,+Ariko imigambi y’ababi ayiburizamo.+
10 Yehova azaba Umwami iteka ryose.+
Siyoni we, Imana yawe izakomeza kuba Umwami uko ibihe bizagenda bikurikirana.
Nimusingize Yah!
Ibisobanuro ahagana hasi
^ Cyangwa “Haleluya.” Yah ni izina “Yehova” mu buryo buhinnye.
