Munacitanji mu Dziko Ino—Idadzala na Nyatwa?
Kodi musaona kuti cincino nyatwa za n’dziko ziri kunjipa kakamwe kupiringana kale? Nyatwa zidalembwa pantsi apa zisacitikambo kunakhala imwe?
nkhondo
miliri
pidengwa pyacibaliro
utcerengi
tsankhulo
uphanga
Pinthu pyakugopswa pingacitika, anthu azinji asagopa, pontho asaluza cidikhiro. Anthu anango angathabuka kakamwe, asamalirwa ndzeru. Mbwenye kumalirwa ndzeru na kugopa mu ndzidzi uzinji, basi ene kusathimizira nyatwa.
Mungatamba nyatwa musafunika kucita pinthu mwandzeru toera mutsidzikize anthu anafuna imwe, ungumi wanu, kobiri yanu na pire pinakuphedzani toera mukhale akutsandzaya.
Munacitanji cincino toera nyatwa zinacitika n’dziko ino zikhonde kukukhuyani kakamwe?
