Kota ndokua ti e ayeke na États-Unis. Me e yeke pëpe mbeni secte so azo ti États-Unis la asigi na ni ndali ti so:

•   Secte ayeke mbeni groupe ti azo so asigi na yâ ti mbeni kota bungbi ti Nzapa. A-Témoin ti Jéhovah alondo pëpe na yâ ti mbeni bungbi ti nzapa la asigi. E yeke voro Nzapa tongana ti so akozo Chrétien ayeke voro lo lani.

•   A-Témoin ti Jéhovah ayeke sara kua ti fango tënë ti Nzapa na yâ ti akodro ahon 230. Atâa ndo wa la e yeke dä, e yeke gi kozo ti sara ye so bê ti Nzapa nga na Jésus Christ aye, me pëpe ye so gouvernement ti États-Unis wala mbeni gouvernement nde aye.​—Jean 15:19; 17:15, 16.

•   Aye so kue e yeke fa alondo na yâ ti Bible, me pëpe na ambeti so ambeni kota zo ti nzapa ti États-Unis asara.​—1 aThessalonicien 2:13.

•   E yeke adisciple ti mbeni zo ape, me e yeke adisciple ti Jésus Christ.​—Matthieu 23:8-10.