Na yâ ti Bible, e yeke na apendere wango ti ndara so ayeke aidé e na yâ ti gigi ti e ti lâ oko oko. Tongana mo diko ni, mo gbu li na ndö ni lakue nga mo sara ye alingbi na ye so mo manda, “lege ti mo ayeke ga nzoni”. (Josué 1:8; Psaume 1:1-3). Mo yeke hinga nga ande Nzapa na Molenge ti lo Jésus. Tongana mo hinga ala, mo yeke wara ande fini ti lakue lakue.​—Jean 17:3.

Mo doit ti diko ambeti ti Bible na yâ ti ordre wa? Mo peut ti sara ni na alege nde nde. Programme ti dikongo Bible so ayeke aidé mo ti diko ambeti ti Bible na ordre so a zia ni na yâ ti Bible ni wala ti diko ni na lege ti ali ti tënë ni. Na tapande, mo peut ti diko ambeni mbage ni ti bâ tongana nyen la Nzapa asara ye lani na mbage ti azo ti Israël. Mo peut ti diko ambeni mbage ni so alingbi ti mû lege na mo ti hinga tongana nyen la congrégation abâ gigi na ngoi ti akozo Chrétien nga tongana nyen la amaï. Tongana mo diko mbeni wungo ti achapitre oko oko na yâ ti lango oko oko, mo peut ti hunzi ti diko Bible kue na yâ ti ngu oko.

Atâa mo yeke gi mbeni programme ti dikongo Bible lâ oko oko, wala mbeni programme ti dikongo Bible ti ngu oko, wala mo ye ti komanse ti diko Bible, programme so ayeke aidé mo. Téléchargé programme ti dikongo Bible ni, na komanse ti diko ni laso.