Psaume 111:1-10
111 Ala sepela Jah!*+
א [Aleph]
Mbi yeke sepela Jéhovah na bê ti mbi kue+ב [Beth]na yâ ti groupe ti azo ti mbilimbili so abungbi nga na yâ ti congrégation.
ג [Guimel]
2 Akusala ti Jéhovah ayeke kota;+ד [Daleth]azo kue so akusala ni so anzere na ala ayeke gi ti hinga ye na ndö ni.+
ה [Hé]
3 Aye so lo yeke sara ayeke ye ti gloire nga ayeke pendere mingi,ו [Waw]na mbilimbili ti lo ayeke ngbâ lakue lakue.+
ז [Zaïn]
4 Lo sara si azo adabe ti ala na akusala ti lo ti dongo bê.+
ח [Heth]
Jéhovah ayeke bâ mawa ti zo* nga lo yeke sara nzoni bê na zo.+
ט [Teth]
5 Lo mû kobe na azo so akpe mbeto ti lo.+
י [Yod]
Lo dabe ti lo na mbele ti lo lakue.+
כ [Kaph]
6 Lo fa na azo ti lo akusala ti lo ti nganguל [Lamed]na mungo na ala héritage ti ambeni mara.+
מ [Mem]
7 Akusala ti maboko ti lo ayeke tâ tënë nga ague oko na fango ngbanga ti mbilimbili;+נ [Noun]yanga kue so lo mû, zo alingbi ti zia bê ti lo dä.+
ס [Samek]
8 Zo alingbi lakue ti zia bê ti lo dä,* laso nga lakue lakue;ע [Aïn]
gere ni aluti na ndö ti tâ tënë nga na mbilimbili.+
פ [Pé]
9 Lo sara si a zi azo ti lo.+
צ [Tsadé]
Lo mû yanga ti tene mbele ti lo angbâ lakue lakue.
ק [Qoph]
Iri ti lo ayeke nzoni-kue nga amû mbeto na zo.+
ר [Resh]
10 Kpengo mbeto ti Jéhovah ayeke tongo nda ti ndara.+
ש [Sin]
Azo kue so asara ye alingbi na yanga so lo mû na ndö ti aye nde nde afa so ala hinga ti bâ yâ ti ye nzoni.+
ת [Taw]
A yeke sepela lo lakue lakue.
Akete tënë na terê ni
^ Wala “Alléluia!” “Jah” ayeke nduru iri ti Jéhovah.
^ Wala “Jéhovah asi na grâce.”
^ Wala “aluti nzoni.”
