Psaume 146:1-10
146 Ala sepela Jah!*+
Zia si terê ti mbi* kue asepela Jéhovah.+
2 Mbi yeke sepela Jéhovah na yâ ti gigi ti mbi kue.
Mbi yeke he bia ti sepela* Nzapa ti mbi na ngoi kue so mbi ngbâ na fini.
3 Zia bê ti mo na ndö ti amokonzi*wala na ndö ti mbeni molenge ti zo pëpe, so lo lingbi ti sö zo pëpe.+
4 Yingo* ti lo asigi, na lo kiri na sese;+na lango ni so, apensé ti lo akui.+
5 Ngia ayeke na zo so Nzapa ti Jacob ayeke zo ti mungo maboko na lo,+so azia bê ti lo ti ku Jéhovah Nzapa ti lo,+
6 Lo so asara yayu na sese,ngu-ingo na aye kue so ayeke na yâ ni,+Lo so ayeke lakue be-ta-zo,+
7 Lo so abâ si a fâ ngbanga mbilimbili na azo so a mû ye ti ala na likisi,Lo so amû mapa na azo so nzara asara ala.+
Jéhovah ayeke zi azo ti kanga.*+
8 Jéhovah ayeke zi lê ti awaziba;+Jéhovah ayeke mû na nduzu azo so aba bango;+Jéhovah aye azo ti mbilimbili.
9 Jéhovah ayeke bata awande;lo mû ye na amolenge so babâ ti ala ayeke dä pëpe nga na awali-mua,+me lo sara si ye so azo ti sioni aleke ti sara atï na ngu.*+
10 Jéhovah ayeke duti ande Gbia lakue lakue,+Sion, Nzapa ti mo ayeke duti ande Gbia na yâ ti angoi nde nde kue.Ala sepela Jah!*
Akete tënë na terê ni
^ Wala “Alléluia!” “Jah” ayeke nduru iri ti Jéhovah.
^ Wala “âme ti mbi.”
^ Wala “pika mozoko na.”
^ Wala “akota zo ti kodro.”
^ Wala “Pupu.”
^ Na Hébreu: “azo so ayeke na yâ ti chaîne.”
^ Wala “lo sara si lege ti azo ti sioni aba.”
^ Wala “Alléluia!” “Jah” ayeke nduru iri ti Jéhovah.
