Michéline: Bara mo ma!

Sophie: Merci!

Michéline: Iri ti mbi ayeke Michéline.

Sophie: Ti mbi a yeke Sophie.

Michéline: Laso, mbi yeke tambela ti mû mbeti so na azo kue. Na ndo ti mbeti ni, a tene Mo ye ti hinga tâ tënë? Ti mo la.

Sophie: Mbeti ti Nzapa la?

Michéline: En. Mo bâ, a zia ahundango ndo omene ge. Na popo ti ahundango ndo ni so, so wa la—

Sophie: Luti ge si. Fatigué ape, mbi yeke mä tënë ti mo ni ape.

Michéline: Mbeni ye apasêe?

Sophie: Problème ni ayeke so, na mbi Nzapa ayeke mbana mingi.

Michéline: Merci so mo fa tënë ti bê ti mo na mbi so. Me depuis kete ti mo la mo yeke na pensé ni so?

Sophie: Depuis kete ti mbi, mbi yeke gue eglize. Me a ninga mbi gue encore ape.

Michéline: Mo gue encore ape ngbanga ti nyen?

Sophie: Mo bâ, a sara ngu 17 awe la mama ti mbi asara accident na oto.

Michéline: So ye ti mawa ti nyen! Lo wara choc?

Sophie: En, lo peut ti tambela encore ape.

Michéline: Aï-oo. So ye ti vundu ti nyen!

Sophie: Vraiment. A sara si mbi yeke hunda tere ti mbi, mbi tene ngbanga ti nyen Nzapa ni azia si e yeke bâ pasi so?

Michéline: Sophie, hinga so a yeke sioni ape ti tene mo hunda tere ti mo tongaso. Tongana e yeke na yâ ti pasi, a yeke ye so aga ka na li ti e la. Même ambeni kota wakua ti Nzapa ândö ahunda tere ti ala tongaso.

Sophie: Vrai?

Michéline: Vrai! Tongana mo ye, mbi yeke fa na mo mbeni tapande ni na yâ ti Bible.

Sophie: Fa ni na mbi ma.

Michéline: Bâ tapande ti Habakuk so lo yeke prophète ti Nzapa. Na Habakuk, chapitre 1, versê 2 na 3, lo hunda Nzapa, lo tene: “O L’Éternel, a lingbi mbi dekongo lâ oke? na Mo mä mbi pëpe. Mbi dekongo na Mo, mbi tene, Sioye ti ngangu ayeke! na Mo sö pëpe. Teti nyen Mo sara si mbi bâ sioye?” Mara ti ahundango ndo ti mo so la ape?

Sophie: Gi ni la.

Michéline: Me Nzapa asuku na Habakuk ndali ni ape; nga lo tene na lo ti duti gi na mabe awe ape.

Sophie: Pendere tënë!

Michéline: Bible afa so Nzapa ahinga pasi so e yeke bâ nga a sara lo nzoni ape.

Sophie: Tâ tënë?

Michéline: Tâ tënë. Mbi yeke fa na mo mbeni tapande ni na Exode 3:7. Mo ye ti diko ni?

Sophie: En. A tene: “Na L’Éternel atene, Biani, Mbi bâ ye ti vundu ti azo ti Mbi so ayeke na Égypte, na Mbi mä toto ti ala tënë ti acapita ti ala; teti Mbi hinga pono ti ala.”

 Michéline: Merci. Tongana ti so versê so atene, Nzapa abâ lani pasi so a yeke sara na azo ti lo so?

Sophie: En, a tene tongaso.

Michéline: Me lo bâ ni gi tongaso ape. Kiri mo diko fin ti versê ni. Nzapa atene: ‘Mbi hinga pono ti ala.’ Mo pensé so pasi ti azo asara ye oko na Nzapa ape?

Sophie: Mbi pensé ape.

Michéline: Ti tâ tënë ni, Nzapa ahinga apasi so e yeke bâ so, nga a sara lo nzoni ape.

Sophie: Vraiment.

Michéline: E bâ encore mbeni versê so a sara tënë ti pasi so azo ti Nzapa abâ ândö. A yeke Ésaïe 63:9. Kozo mbage ti versê ni atene: ‘Na yâ pono kue ti ala, Lo wu pono nga.’ Ti mo, a yeke tâ tënë so pasi so azo ti Nzapa abâ lani asara lo nzoni ape?

Sophie: En, a sara lo nzoni ape.

Michéline: Sophie, ti tâ tënë ni, Nzapa apensé na e mingi, nga a nzere na lo oko ape ti bâ so e yeke bâ pasi. Tongana bê ti e ayeke na vundu, lo kue lo yeke na vundu.

Michéline: Kozo si mbi hon, mbeni tënë ni encore ayeke dä so mbi ye mo hinga ni.

Sophie: Nzoni.

Michéline: Bible afa na e mbeni ye na ndo ti ngangu ti Nzapa. Versê so mbi ye ti fa ayeke Jérémie 10:12. Mo ye ti diko ni?

Sophie: En. Versê ni atene: “L’Éternel asara sese so na lege ti ngangu ti Lo, Lo sara si sese ni akpengba na lege ti ndara ti Lo, Lo gbala ayayu na lege ti hingango nda ti ye ti Lo.”

Michéline: Merci. E gbu li kete na ndo ti versê so si. Mo pensé so a hunda kete ngangu na Nzapa ti sara dunia so nga na aye kue so ayeke na yâ ni so?

Sophie: A hunda kota ngangu.

Michéline: Bon, tongana Nzapa ayeke na ngangu ti sara aye kue so angoro e, mo pensé so lo yeke nga na ngangu ti hunzi apasi ti e ape?

Sophie: Lo yeke na ngangu ti hunzi ni.

Michéline: Gbu li ti mo kete na ndo ti mama ti mo so. Ngbanga ti nyen la a sara mo nzoni ape ti bâ so lo yeke bâ pasi?

Sophie: Ngbanga ti so mbi ye lo mingi. Mama ti mbi la.

Michéline: Tongana laso mo yeke na ngangu ti sava lo, mo yeke sara ni ape?

Sophie: Mbi yeke sara ni.

Michéline: Bâ nga so Bible atene Nzapa ahinga pasi ti e, ye ni asara lo nzoni ape, nga lo yeke na ngangu mingi. So lo londo hio ti hunzi apasi ni ape afa so lo hinga ti kanga bê.

Sophie: Lâ oko mbi pensé tongaso ape.

Michéline: So ade lo hunzi akpale ti e ape, raison ni ayeke dä. *

Sophie: Mbi kue mbi pensé so raison ni ayeke dä.

Michéline: Bon, tongana mo yeda, ti peko mbi yeke ga ti tene e sara lisoro na ndo ti raison ni so.

Sophie: Nzoni. Mbi yeke ku mo. *