ZINGO NA LANGO! N° 1 2022 | Akpale ahon ndö ti dunia: Ye so mo peut ti sara
Ndali ti so akpale ti dunia so ayeke ga gï sioni sioni, mingi ti e ayeke bâ pasi na peko ti aye tongana ngu so asuku amû ndo, yengingo ti sese nga na akpale so azo la aga na ni. Bâ ye so mo peut ti sara ti gbu lê ni na yâ ti mara ti akpale tongaso nga ye so mo peut ti sara ti bata terê ti mo nga na azo so mo ye ala.
Akpale ahon ndö ti dunia: Nyen la mo peut ti sara?
Na ngoi so mbeni ye ti ngangu asi, duti nduru ti sara ye kue so mo doit ti sara ti bata terê ti mo nga na sewa ti mo.
1 | Bata seni ti mo
Tongana mo bata seni ti mo nzoni, a yeke sara si mo peut ti gbu lê ni na ngoi ti angangu kpale.
2 | Bata aye so mo yeke vivre na ni
Tongana mo sara kua nzoni na nginza ti mo, a peut ti duti ngangu na mo ape ti gbu lê ni na yâ ti angangu kpale.
3 | Bata songo so mo yeke na ni na azo so mo ye ala
Bâ ambeni wango so apeut ti aidé mo ti bata mariage ti mo, songo ti mo na akamarade ti mo, nga na songo ti mo na amolenge ti mo.
4 | Bata beku ti mo
Bible ayeke aidé e ti gbu lê ni na yâ ti akpale ti gigi nga amû na e beku ndali ti kekereke.
Aye so ayeke na yâ ti Zingo na lango! so
Tongana mo diko a-article so apeut ti aidé mo nga na asewa ti mo ti gbu lê ni na yâ ti akpale so azo ayeke tingbi na ni.
