1. 1. සාතන් කියන යක්ෂයා. දෙවියන්ට විරුද්ධව කැරලිගහපු සාතන් තමයි ලෝකේ පුරාම පැතිරිලා තියෙන වෛරයට වග කියන්න ඕනෙ ප්‍රධාන කෙනා. සාතන්වයි, ඔහුගේ දුෂ්ට බලපෑමට අහු වෙලා ඉන්න හැම කෙනෙක්වමයි දෙවියන් විනාශ කරනවා.—ගීතාවලිය 37:38; රෝම 16:20.

2. 2. සාතන් යටතේ තියෙන දුෂ්ට ලෝකය. වෛරයේ හැඟීම් අවුස්සන දූෂිත දේශපාලනඥයන් සහ ආගමික නායකයන් ඇතුළුව මේ ලෝකේ තියෙන හැම දුෂ්ට දෙයක්ම දෙවියන් නැති කරලා දානවා. මිනිස්සුන්ගේ සල්ලි කඩාගන්න අරමුණින් වංචා කරන කෑදර ව්‍යාපාර ක්‍රමයත් දෙවියන් විනාශ කරනවා.—2 පේතෘස් 3:13.

3. 3. මිනිස්සුන්ට උරුම වෙලා තියෙන පව්කාරකම. බයිබලයේ කියනවා අපි හැමෝම වැරදි විදිහට හිතන්නේ පතන්නේ, වැඩ කරන්නේ අපිට උරුම වෙලා තියෙන පව්කාරකම නිසයි කියලා. (රෝම 5:12) මිනිස්සු අනිත් අයට වෛර කරන්නේ, එයාලට හානියක් වෙන දේවල් කරන්නේ ඒ නිසයි. ඒ වගේ වැරදි දේවල් හිතින් අයින් කරගන්න දෙවියන් මිනිස්සුන්ට උදව් කරන්න යනවා. ඒ නිසා එදාට වෛරයේ ගිනිදලු සදහටම නිවිලා යනවා.—යෙසායා 54:13.

1. 1. අයුක්තිය, අසාධාරණය නැහැ. ළඟදීම ස්වර්ගයේ පිහිටුවලා තියෙන දේවරාජ්‍යයෙන් පොළොව පාලනය කරනවා. ඒක සාධාරණය ඉටු කරන, විනාශ වෙන්නේ නැති ආණ්ඩුවක්. (දානියෙල් 2:44) එදාට අසාධාරණකම්වලට, අනිත් අයව පහත් කරලා සලකන එකට කිසිම ඉඩක් නැහැ. අද අපි මූණ දෙන අසාධාරණකම්වලට එදාට දෙවියන් සාධාරණය ඉටු කරනවා.—ලූක් 18:7.

2. 2. හැම තැනම සාමය. යුද්ධ, අපරාධ නිසා කිසිම කෙනෙක් දුක් විඳින්නේ නැහැ. (ගීතාවලිය 46:9) එදාට පොළොවේ ජීවත් වෙන්න යන්නේ සාමයට කැමති මිනිස්සු විතරයි. ඒ නිසා කිසිම කෙනෙක් බයෙන් ජීවත් වෙන්නේ නැහැ.—ගීතාවලිය 72:7.

3. 3. හැමෝම හැමදාටම සතුටින්. එදාට පොළොවේ ජීවත් වෙන හැමෝම අනිත් අයට ආදරයෙන් සලකනවා. (මතෙව් 22:39) කිසිම කෙනෙක් දුක් විඳින්නේ නැහැ. හිතට වධ දෙන සිතුවිල්ලක් නිසාවත් අමිහිරි මතකයක් නිසාවත් කවුරුත් වේදනාවෙන් ඉන්නේ නැහැ. (යෙසායා 65:17) වෛරය නැති ඒ කාලෙදි ‘දසත පැතිරී තිබෙන සාමය නිසා මිනිස්සු හැමෝම මහත් සේ ප්‍රීති වෙනවා’ කියලා බයිබලයේ කියනවා.—ගීතාවලිය 37:11.

ඒ වගේ කාලයක ජීවත් වෙන්න ඔයාත් ආසද? අද ඉන්න හුඟදෙනෙක් වෛරය හිතින් අයින් කරගන්නේ කොහොමද කියලා බයිබලයෙන් ඉගෙනගන්නවා. (ගීතාවලිය 37:8) ලෝකේ පුරාම ඉන්න යෙහෝවා දෙවිගේ සාක්ෂිකරුවනුත් ඒ දේ කරනවා. එයාලා විවිධ සංස්කෘතීන්වලට, පසුබිම්වලට අයිති අය වුණත් එයාලා එක පවුලක් වගේ එකට බැඳිලා ඉන්නවා.—යෙසායා 2:2-4.

අසාධාරණකම්වලට සාර්ථකව මුහුණ දෙන්න එයාලට උදව් වෙලා තියෙන්නේ මොනවාද කියලා අනිත් අයට කියලා දෙන්න යෙහෝවා දෙවිගේ සාක්ෂිකරුවන් කැමතියි. ඒ දේවල් වෛරය ටිකෙන් ටික හිතින් අයින් කරගෙන අනිත් අයට ආදරය පෙන්නන්න ඔයාටත් උදව් වෙයි. ඒ වගේම ඔයාට වෛර කරන, කිසිම දෙයක් ගැන අගයක් නැති අයට වුණත් ආදරෙන් සලකන්නේ කොහොමද කියලත් ඔයාට දැනගන්න පුළුවන් වෙයි. ඒක ඔයාට උදව් වෙයි අනිත් අය එක්ක හොඳ බැඳීමක් තියාගෙන සතුටින් ඉන්න. වෛරයේ ගිනිදලු හැමදාටම නිවලා දාන දේවරාජ්‍යය පොළොව පාලනය කරන කාලේ ඔයා ජීවත් වෙන්න නම් කරන්න ඕනෙ මොනවාද කියලත් ඔයාට දැනගන්න පුළුවන්.—ගීතාවලිය 37:29.