Alamete aana batinyu mannira maalaamittete hasiisannonsare afiꞌra gooddo ikkitinonsa; qoleno kuni qarri roore lexxannilla haꞌranni no.

•   Muli yannara alamete deerrinni assinoonni xiinxallo a leellishshanno garinni, xaa yannara mannu “aganu giddo afiꞌranno damoozinni hidhannori tidhinore diꞌꞌikkino.” Tini rippoorte xawissino garinni, konne qarra tirate mitore assa hoongiro, “dureeyyetenna buxanete heeshsho albinni roore xeertidhanno”; hattono “batinye maate roore injiitannokki heeshsho heedhanno.”

 Mangistubba konne lexxanni haꞌranni nooha miinju qarra tira nafa gatteenna, shiimare beedho afiꞌnanni gede assa dandiita ikka?

 Qullaawu Maxaafi, miinju qarra baalanka hoola dandaannohunna hoolateno qixxaawinohu mittu gashshooti noota kulanno. “Gordu Magani . . . gashshoote uurrisanno” yaanno; baattote aana ikkannore baalankare hakku gashshooti calla illaallisanno. (Daanieeli 2:44) Hakkunni alamete gashshooti giddo, deame gatannohu woy lashshi assineenna towaanyo hoogannohu mittu manchino diheeꞌranno. (Faarso 9:18) Maganu Gashshooti giddo heedhannori, hasiisannonsare baalare afidhe hagiidhitanni heedhanno. Baalunku loosinsa guminni hagiidhitanno.—Isayaasi 65:21, 22.