ROSO 7
Maganu Mangiste Maati?
1. Maganu Mangiste maati?
Yesuusa baxxino Moote assinosihu maati?—MARQOOSI 1:40-42.
Maganu Mangiste iimi gashshooteeti. Tini Mangiste wole mangistubba baalanta hunte insa bayicho amaddanno; qolteno Maganu fajjo iimano ikko uulla ikkitanno gede assitanno. Maganu Mangistere kulannohu danchu duduwi hagiirsiisannoho. Muli yanna giddo tini Mangiste mannu oosora dancha gashshoote afiꞌrate noonsa hasatto wonshitanno. Uullate aana heeꞌranno manni baalunku mittimma afiꞌranno gedeno assitanno.—Daanieeli 2:44; Maatewoosi 6:9, 10; 24:14 nabbawi.
Mitte mangistera moote hasiissanno. Yihowa Beettosi Yesuusi Kiristoosi Mangistesira Moote asse shoomino.—Ajuuja 11:15 nabbawi.
Maganu Mangiste Maati? yitanno viidiyo lai.
2. Yesuusi wolu baalunkunni baxxino Moote ikkinohu mayiraati?
Maganu Beetti shaqqado, hattono gara ikkino coyira ammanaminoha ikkino daafira baxxino Mooteeti. (Maatewoosi 11:28-30) Qoleno Yesuusi iima heeꞌre uulla gashshanno daafira manna kaaꞌlate ikkitanno wolqa noosi. Isi reyotenni kaihu gedensaanni, iimira haꞌre silxaane uyinasi geeshsha Maganu qiniiteenni ofollino. (Ibiraawuyaani 10:12, 13) Gedensaannino Maganu isira silxaane oyennasi gashsha hanafino.—Daanieeli 7:13, 14 nabbawi.
3. Yesuusi ledo mookkannori ayeooti?
“Qullaawoota” yinanni gaamo iima Yesuusi ledo mookkanno. (Daanieeli 7:27) Qullaawoota ikkitara umo doorantinori ammanantinore Yesuusi soqqamaasineeti. Yihowa ammanamino labballonna meento qullaawoota asse xaa geeshsha dooranni no. Insano Yesuusi gede ayyaanu biso uddidhe reyotenni kaꞌanno.—Yohaannisi 14:1-3; 1 Qorontoosi 15:42-44 nabbawi.
Iimira haꞌranno manni meꞌꞌeho? Yesuusi insa “shiima hoshsha” yiino. (Luqaasi 12:32) Kuni manni xaphoomunni 144,000 ikkanno. Insa Yesuusi ledo uulla gashshitanno.—Ajuuja 14:1 nabbawi.
4. Yesuusi moohita mayi ma ikkino?
Maganu Mangiste gashsha hanaffinohu 1914nniiti. a Yesuusi Moote ikkanni heeꞌrenni Sheexaanenna agaaninte iiminni uullara tugino. Hakkiinnino Sheexaanu lowo geeshsha hanqe uulla woꞌmate aana qarra naqa hanafi. (Ajuuja 12:7-10, 12) Hakkuyinku hanafe mannu ooso qarrisannorinna mitiinsannori lowo geeshsha lexxanni haꞌrino. Olu, hude, taraawe lowo manna gudanno xiwaninna uullate huxano, Maganu Mangiste muli yanna giddo uullate coye baala biddi assitannota leellishanno “malaati” widira gaamantanno.—Luqaasi 21:7, 10, 11, 31 nabbawi.
5. Maganu Mangiste maa assitanno?
Maganu Mangiste alamete deerrinni loosamanni noohu sabbakate loosi widoonni, xa nafa ayino kiire gudannokkiha batinye manna gaꞌre baalantenni gamba assitanninna salaametenni heeꞌranno gede assitanni no. Lowo miliyoone ikkannohu joogu manni Maganu Mangiste qansichoota ikkanni no. Tini Mangiste xa uullate aana noota busha alame huntanno woyite insa keere sayissanno. Konni daafira Maganu Mangiste atoote afiꞌra hasiꞌrannohu baalunku Yesuusira hajajamanno qansicha ikkanno gara rosa hasiissannosi.—Ajuuja 7:9, 14, 16, 17 nabbawi.
Maganu Mangiste 1,000 diri gashshooti yannara hunda Maganu mannu oosora hedinore wonshitanno. Woꞌma uulla gannate ikkitanno. Jeefote Yesuusi Mangiste Annisira qolanno. (1 Qorontoosi 15:24-26) Ati Maganu Mangistere kula hasiꞌratto manni no?—Faarso 37:10, 11, 29 nabbawi.
a Qullaawu Maxaafi masaalo 1914 baxxino diro ikkinota kultanno gara roore buuxate, Qullaawu Maxaafinni Maa Ronseemmo? yaanno maxaafa qoola 217-220 nabbawi.
