Maganu Ate Daafira Hedanno
QULLAAWU MAXAAFI Maganu uyinonke Maxaafa ikkino daafira taalle nookki amaale amadino. Fayyimmate biddishsha kulanno maxaafa ikka hoogirono, giddosi noo amaale yaandeemmonna xissiisiˈneemmo gede assannonkere, gara ikkitinokki hedo, hattono surretenna ordu fayyimma hunannore gargadhate kaaˈlitannonke.
Wolentenni Qullaawu Maxaafi, Kalaqaanchinke Yihowa a hedonkenna wodaninke xisso aye manchinni roore seekke afannota kule jawaachishannonke. Maganu Yihowa iillannonke qarra baala dandiine saˈneemmo gede ninke kaaˈlate quqquxamanno. Hanni sheshifachishannoha lame Qullaawu Maxaafi qummeeshsha laˈno:
“Kaaliiqi dadillunni hiiqqantinorira mule noonsa; hexxo hoogginore gatisannonsa.”—FAARSO 34:18.
“Qiniiticho angakki irkiseemmohe; ‘Kaaˈleemmohena waajjitooti’ yeemmohehu, Maganikki ani Kaaliiqaati.”—ISAYAASI 41:13.
Ikkina Yihowa surrete xisso dandiine heeˈneemmo gede kaaˈlannonkehu hiittoonniiti? Aananno birxichira laˈneemmonte gede, Yihowa ninke daafira godowinta hedannota addi addi doogganni leellishinonke.
a Yihowa Maganu suˈmaati.—Faarso 83:18, Haaro Alame Tiro.
