Yesuusi Reyo Qaagooshshe
Qidaame, Dotteessa 4, 2017 (Dotteessa 12, 2025)
Yihowa Farciꞌraasine, Yesuusi hajajino garinni dirunni mitte higge reyosi Qaagooshshi Ayyaana ayirrissanno; isi togo yee hajajino: “Konne woꞌmanka woyite ane qaagooshshira asse.”—Luqaasi 22:19.
Konni ayyaanira ayirrinyunni koyinsoommohe.
Duuchu Manni Xaꞌmanno Xaꞌmo
Pirogiraame mageeshshi yanna keeshshitanno?
Mitte saate balla keeshshitanno.
Bayichu mamaati?
Qarqariꞌnera konne ayyaana ayirrinsanni bayicho afate, Yihowa Farciꞌraasine xaꞌmi.
Pirogiraame macciishshate woxe baaxxeemmo?
Dibaaxxatto.
Pirogiraamete yannara woxe gamba assinanni?
Diassinanni.
Pirogiraamete baxxitino uddano uddiꞌra hasiissannoe?
Konni ayyaanira baxxino uduunne uddiꞌra hasiissannokkiha ikkirono, Yihowa Farciꞌraasine Qullaawu Maxaafi yaanno garinni amanyootunni kawajjaame uddano uddiꞌrate sharrantanno. (1 Ximootewoosi 2:9) Lowo woxinni hirroonniha woy hoola yinoonni uduunne uddiꞌra gidde diꞌꞌikkitino.
Qaagooshshu Ayyaani yannara maa maa assinanni?
Konni gambooshshira hanafotenna jeefote faarso faarsineemmo; qoleno mittu Yihowa Farciꞌraasinchi huuccatto assanno. Yesuusi reyo hasiissannota ikkitinohu mayiraatironna Maganunna Kiristoosi assitinonke qixxaawonni horo afiꞌrate maa assa hasiissannonkero Qullaawu Maxaafinni kullanni.
Ledde afate, “Yihowa Farciꞌraasine Mootichu Hurbaate Ayirrissanno Gari Wole Ammaꞌnowiinni Baxxannohu Mayiraati?” yaanno birxicho nabbawi.
Albillitte Qaagooshshu Ayyaana ayirrinsannihu mamoote mamooteeti?
2025: Qidaame, Dotteessa 12
2026: Hamuse, Dotteessa 2
Kurino Lai
QAAGOOSHSHU AYYAANA
Yesuusi Reyo Qaagi
Yesuusi hajajino garinni reyosi ayyaana ayirrinseemmo wote ledonke gamba yaattora ayirrinyunni koyinsoommohe. Yesuusi heeshshonna reyosi kaaˈlitannohe gara rosatto.
KAA'LANNOHA QULLAAWU MAXAAFI ROSO
Yesuusi Reyinohu Mayiraati?
Qullaawu Maxaafi, Yesuusi reyo lowore assitannota kulanno. Isi reyinohu mayiraati?