“Ia lafo atu ou popolega uma iā Ieova, o ia e na te tausia oe. E na te lē tuua lava le tagata amiotonu ia tautevateva.”

Salamo 55:22

“O fuafuaga a le tagata toʻaga e manuia ai lava o ia, a o i latou uma e vave gaoioi ae lē mafaufau muamua, e iʻu ai i le mativa.”

Faataoto 21:5

“Aua e te fefe, auā ou te faatasi ma oe. Aua e te atuatuvale, auā o aʻu o lou Atua. Ou te faamalosi iā te oe, ma ou te matuā fesoasoani iā te oe, ou te matuā lagolagoina oe i loʻu lima taumatau o le amiotonu.”

Isaia 41:10

“O ai ea se tasi o outou e mafai e lona popole ona toe faaopoopo ai se aso se tasi i lona olaga?”

Mataio 6:27

“O lenei, ia aua neʻi outou popole mo le aso a taeao, auā e iai foʻi popolega o le aso a taeao. E tofu lava le aso ma ona faafitauli.”

Mataio 6:34

 “Ia outou faamautinoa o mea e sili ona tāua.”

Filipi 1:10

“Aua neʻi popole i se mea, ae ia faailoa atu o outou manaʻoga i mea uma lava i le Atua, i le tatalo ma le faatoga, atoa ma le faafetai; ona leoleoina ai lea o o outou loto ma mafaufau i le filemu mai i le Atua, lea e silisili i mea uma lava e tatou te malamalama ai, e ala iā Keriso Iesu.”

Filipi 4:6, 7