Salamo 108:1-13
O le pese. O le salamo a Tavita.
108 Le Atua e, ua mausalī loʻu loto.
Ou te tā ma usuina viiga ma lo‘u lotoatoa.*+
2 Inā ala mai ia, le meafaifaaili e iai uaua; o oe foʻi le kitara e.+
Ou te alafaʻi mai i le tafa o ata.
3 Ieova e, ou te vivii atu iā te oe i luma o tagata,Ma ou te usuina viiga* iā te oe i luma o nuu.
4 Auā ua tele lou alofa faamaoni, ua oo atu i le lagi,+Ua oo atu foʻi lou faamaoni i ao.
5 Le Atua e, ia faaeaina oe e sili aʻe i le lagi;Ia i luga aʻe foʻi i le lalolagi uma lou mamalu.+
6 Ina ia laveaʻiina ai o ē e pele iā te oe,Ia e faaola mai i lou aao taumatau ma ia tali mai iā te aʻu.+
7 Ua fetalai mai le Atua Paia:*
“Ou te fiafia lava aʻu, ou te tuuina atu Sekema+ e fai ma tofi,Ma ou te fuaina atu le vanu* o Sukota.+
8 O aʻu e ona Kiliata,+ e faapea fo‘i Manase,O Efaraima foʻi o le puloutau* mo lo‘u ulu;+O Iuta o le tootoo lea o laʻu ta‘ita‘iʻau.+
9 O Moapi o le tanoa ou te mulumulu ai.+
Ou te lafoina atu oʻu seevae iā Etoma.+
Ou te alaga atu i le manumalo iā Filisitia.”+
10 O ai e na te avatua aʻu i le aai malupuipuia?
O ai foʻi e na te taʻitaʻi atu aʻu e oo i Etoma?+
11 Le Atua e, pe e lē o oe ea na teena i matou,Ma ua e lē toe afio atu lo matou Atua e, faatasi ma a matou ʻautau?+
12 Ia e fesoasoani mai i lo matou puapuaga,+Auā e lē aogā le faaolataga mai i tagata.+
13 O le Atua e matou te maua ai le malosi,+Ma e na te solia i lalo o matou fili.+
Faamatalaga Pito i Lalo
^ Epe., “e oo lava i loʻu mamalu.”
^ Po o le “tā ma usuina pese.”
^ Pe atonu “i lona afioaga paia.”
^ Po o “le fanua laugatasi.”
^ Epe., “malosi.”
