Salamo 32:1-11
O le salamo a Tavita. O le Masekila.*
32 E fiafia le tagata ua faamagaloina lana solitulafono, o lē ua ufitia lana agasala.+
2 E fiafia foʻi le tagata e lē taʻusalaina e Ieova,+Ma e lē faaʻoleʻole lona loto.
3 Ina ua ou lē taʻu atu aʻu agasala, ona tigā ai lea o oʻu ivi ona o loʻu ōi i le aso atoa.+
4 Auā ua mamafa lou aao i oʻu luga i le ao ma le pō.+
Ua mitiia loʻu malosi e pei o le vai i le vevela o le tau māfanafana. (Selā)
5 Ona ou taʻutino atu lea iā te oe o laʻu agasala;Ou te leʻi ufitia loʻu sesē.+
Na ou faapea ifo: “Ou te taʻutino atu aʻu solitulafono iā Ieova.”+
Ma ua e faamagaloina le leaga o aʻu agasala.+ (Selā)
6 O le mea lea e tatalo atu ai iā te oe tagata faamaoni uma+Manū o maua oe i lea taimi.+
Ona lē oo lea iā i latou o tafega o vai e tele.
7 Ua fai oe ma mea ou te lafi ai;E te leoleo iā te aʻu mai i mafatiaga.+
E te siʻosiʻomia aʻu i le alaga fiafia o le lavea‘iga.+ (Selā)
8 “Ou te foaʻi atu iā te oe le tofā mamao, ma faatonu oe i le ala e ao ona e savali ai.+
Ou te fautua atu foʻi a o o‘u vaai atu iā te oe.+
9 Aua neʻi pei outou o se solofanua po o se asini* e lē malamalama,+O lona malosi e tatau ona taofiofia i se faagutu po o se taofiA o leʻi faalatalata mai iā te oe.”
10 E tele tigā e oo i ē e amioleaga;A o lē e faatuatua iā Ieova, e siʻosiʻomia o ia e Lona alofa faamaoni.+
11 Inā olioli ia iā Ieova ma fiafia, o outou o ē e amiotonu;Ia alalaga fiafia, o outou uma o ē e saʻo o outou loto.
Faamatalaga Pito i Lalo
^ Tagaʻi i le Uiga o Upu.
^ O le upu Eperu e faasino atu i le tama a le asini poʻa ma le solofanua fafine.
