Salamo 96:1-13
96 Inā pepese atu ia iā Ieova i le pese fou.+
Inā pepese atu ia le lalolagi uma iā Ieova!+
2 Inā pepese atu ia iā Ieova; ia viia lona suafa.
Ia ta‘uta‘u atu i lea aso ma lea aso le tala lelei o le faaolataga mai iā te ia.+
3 Ia ta‘uta‘u atu i nuu lona mamalu,Ma ana galuega ofoofogia i tagata uma lava.+
4 E sili Ieova ma e tatau ona matuā viia o ia.
E sili atu ona ofoofogia o ia i lo o isi atua uma.
5 O atua uma o nuu, o atua e lē aogā,+A o Ieova, na ia faia le lagi.+
6 O loo i ona luma le mamalu ma le matagofie;+O loo i lona malumalu foʻi le malosi ma le matagofie.+
7 Aiga e o nuu, ia avatu iā Ieova le mea e tatau iā te ia,Ia avatu iā Ieova le mea e tatau iā te ia ona o lona mamalu ma le malosi.+
8 Ia avatu iā Ieova le mamalu e tatau mo lona suafa;+Inā ave ia se meaalofa ma ō atu i ona lotoā.
9 Ia ifo* atu iā Ieova i ofu paia;*Ia matuā gatete le lalolagi uma i ona luma!
10 Ia faailoa atu i nuu: “Ua fai Ieova ma Tupu!+
Ua matuā faatumauina le lalolagi,* e lē maluelue lava.
E faamasino ma le tonu foʻi e ia o nuu.”+
11 Ia olioli le lagi, ia olioli foʻi le lalolagi;Ia taalili mai le sami ma mea uma o tumu ai;+
12 Ia olioli foʻi le fanua ma mea uma o iai.+
Ia alalaga fiafia mai fo‘i laau uma o le vaomatua+
13 I luma o Ieova, auā o loo afio mai* o ia,O loo afio mai o ia e faamasino le lalolagi.
E faamasino e ia le lalolagi* i le amiotonu+Ma nuu i lona faamaoni.+
Faamatalaga Pito i Lalo
^ Po o le “tapuaʻi.”
^ Pe atonu “ona o le matagofie o lona tulaga paia.”
^ Po o le “laueleele.”
^ Po o le “ua afio mai.”
^ Po o “le laueleele.”
