Teuteronome 32:1-52
32 “Le lagi e, faalogo mai ia, ae seʻi oʻu tautala atu,Ia faalogo mai le lalolagi i upu a loʻu gutu.
2 O aʻu faatonuga e māʻuluʻulu e pei o le timu;O aʻu upu e sinasina e pei o le sau,E pei o le timu maamaa i luga o le mutia,E pei foʻi o timuga tetele i luga o vao.
3 Auā ou te folafola atu le suafa o Ieova.+
Ia outou faailoa atu le silisili ese o lo tatou Atua!+
4 O le Papa, e atoatoa ona lelei ana gaoioiga,+Auā e tonu+ ona ala uma.
O le Atua faamaoni,+ e lē o iā te ia se faiga lē tonu;+E amiotonu ma amio saʻo o ia.+
5 O i latou lava, ua latou faia ni gaoioiga e leaga+ ai.
E lē o i latou o lana fanau, o lo latou ila o i latou na māfua ai.+
O i latou o se tupulaga faapiʻopiʻo ma le faaʻoleʻole!+
6 Aiseā ua faaauau ai ona outou faia faapea iā Ieova,+Tagata vālea e, ma le lē atamamai?+
Pe e lē o ia ea o lo outou Tamā o lē na faia oe,+O Lē na faia oe ma faatumauina oe?
7 Ia manatua aso ua mavae;Ia manatunatu i tausaga o tupulaga ua tuanaʻi.
Ia fesili i lou tamā, ma e na te taʻuina mai iā te oe;+I o outou toeaina foʻi, ma e latou te faailoa mai iā te oe.
8 Na tuuina mai e le Silisili Ese se tofi i nuu,+Na ia faataapeapeina foʻi atalii o Atamu,* o le tasi mai i le isi,+Ona ia faatulagaina lea o tuaoi o le nuu+E tusa ma le aofaʻiga o atalii o Isaraelu.+
9 Auā o le vaega a Ieova o lona nuu lea;+O Iakopo o lona tofi lea.+
10 Na ia maua o ia i se fanua valevalenoa+I se toafa+ tuufua e fetagisi ai manu tataa.
Na ia leoleomalu iā te ia ma tausia o ia,+Ma puipui iā te ia, e pei o ia o le ʻiʻoimata o lona mata.+
11 E pei ona aʻoaʻo e le aeto o lana toloaʻi ina ia iloa felelei,E faapepepepe i luga o lana toloaʻi,E na te faaloloa ona apaʻau ma ave lana toloaʻi,E na te ave lana toloaʻi i luga o ona apaʻau,+
12 Sa faapea foʻi iā Ieova e toʻatasi ona taʻitaʻia pea o ia;*+Na leai foʻi se atua ese na faatasi ma ia.+
13 Na ia faatiʻetiʻe iā te ia i mea maualuluga o le lalolagi,+Ina ia ʻai i fua o le laueleele.+
Na ia fafaga iā te ia i le meli mai i le papaMa le suāuu mai i le papa malō,
14 O le pata mai i suāsusu o povi ma suāsusu o mamoe,Faatasi ma mamoe e sili ona lelei,*Ma mamoe poʻa o Vasana, ma ʻoti poʻa,Faatasi ma saito e sili ona lelei;+Ma na e inu le uaina mai i le sua* o vine.
15 Ina ua oo ina lapoʻa Iesuruna,* ona ia aa atu lea ma le faatautee.
Ua e lapoʻa, ua telē lou tino, ua e ʻai faaloloto.+
Ona ia tuulafoaʻiina lea o le Atua, o lē na faia o ia,+Ua ʻinoʻino foʻi o ia i le Papa o lona faaolataga.
16 Na latou faatupuina lona toʻasā ona o atua ese;+Na latou faatigā i lona finagalo i mea inosia.+
17 Na latou faia taulaga i temoni, ae e lē o le Atua,+O atua e latou te lē iloa,O atua fou faatoʻā aliaʻe mai,O atua e leʻi iloa e o outou augātamā.
18 Ua e faagaloina le Papa+ o lē na fai ma ou tamā,E te le‘i manatua foʻi le Atua o lē na fanaua mai oe.+
19 Ina ua silasila mai i ai Ieova, ona ia teena lea o i latou+Ona o le faaʻonoʻono o ona atalii ma ona afafine iā te ia.
20 Ua fetalai mai o ia, ‘Ou te natia oʻu mata mai iā i latou;+Seʻi oʻu vaai po o le ā lo latou iʻuga.
Auā o i latou o se tupulaga ulu malō,+O atalii e lē o iai le faamaoni.+
21 Ua latou faatupu loʻu to‘asā* ona o atua e lē aogā;+Ua latou faaʻonoʻono mai iā te aʻu i o latou tupua e lē aogā.+
O lea, ou te faatupu lo latou fuā ona o tagata e lē aogā;+Ou te faatigā o latou loto i se nuu vālea.+
22 Auā ua tutu le afi ona o loʻu ita,+E mū ifo foʻi e oo lava i mea e sili ona maulalo o le Tuugamau,*+E faatamaʻia ai le lalolagi ma ona fua,E mū ai foʻi faavae o mauga.
23 Ou te faateleina o latou mala;Ou te faauma aʻu aū iā i latou.
24 E vaivai i latou i le fia aai+Ma o le a ʻaina e le maualuga o le fiva ma le faaumatiaga mataʻutia.+
Ou te auina atu foʻi iā i latou o manufeʻai+ e sisili nifoFaatasi ma gata uogo o le efuefu.
25 O le a faanoanoa i latou i fafo ona o le pelu;+Ma le fefe i totonu,+O le tauleʻaleʻa atoa ma le teine muli,O le tamaitiiti faatasi ma le tamāloa ulusinā.+
26 Na ou fia fai atu: “Ou te faataapeapeina i latou;Ou te faia ina ia lē toe manatua i latou e tagata,”
27 Ana ou lē fefe i se tali mai a le fili,+Ina neʻi faauiga sesē e fili lea mea.+
E latou te ono faapea ane: “Ua sili lo tatou malosi;+E lē o Ieova na faia ia mea uma.”
28 Auā o i latou o se nuu e aunoa ma se faautaga poto,*Ma e leai se malamalama iā i latou.+
29 Maʻimau pe ana latou atamamai!+ E latou te mafaufau loloto ai i lenei mea.+
E latou te manatunatu i lo latou iʻuga.+
30 E faapefea ona tuliloa e le toʻatasi le toʻa 1,000,Ma tutuli e le toʻalua le 10,000?+
E lē mafai seʻi vaganā ua faatauina atu i latou e lo latou Papa+Ma tuuina atu i latou e Ieova i o latou fili.
31 Auā o lo latou papa, e lē pei o lo tatou Papa,+E oo lava i o tatou fili e malamalama i lea mea.+
32 Auā o o latou vine, e mai i le vine o SotomaMa e mai foʻi i fanua malifa o Komoro.+
O o latou fuifui vine o vine oona,O o latou fuifui e magiagia ai nifo.+
33 O a latou uaina, o mea oona ia o gata,O le ʻona mataʻutia o asipi.*
34 Pe e lē o teua ea ia mea iā te aʻu,Ma ua faamaufaailogaina ia mea i loʻu fale teuoloa?+
35 O aʻu e faia le tauimasui ma taui atu,+E tautevateva o latou vae+ i le taimi atofaina,Auā ua latalata le aso o lo latou malaia,Ma ua vave ona faaloloʻi mai mea e oo iā i latou.’
36 Auā o le a faamasinoina e Ieova lona nuu,+Ma o le a tigā alofa* o ia i ana auauna+Pe a silafia e ia ua mavae atu lo latou malosi,Ma e na o lē e leai sona puipuiga ma ua lē aogā o le a totoe.
37 Ona fetalai mai lea o ia, ‘O fea o iai o latou atua,+O le papa na latou sulufaʻi i ai,
38 O ē sa masani ona aai i le gaʻo o a latou taulaga,*Ma inuina le uaina o a latou taulaga i meainu?+
Ia ō atu i latou ma fesoasoani iā te outou.
Ia avea i latou ma lafitaga mo outou.
39 Ia outou iloa nei, o aʻu, o aʻu lava o le Atua,+Ma e leai ni atua e ese mai iā te aʻu.+
Ou te fasiotia, ma ou te faaolaina.+
Ou te faamanuʻalia,+ ma ou faamālōlōina,+E leai foʻi se tasi e na te laveaʻi mai i loʻu lima.+
40 Auā ou te sii loʻu lima i le lagi,Ma ou tautō: “Talu ai o loo ola aʻu e faavavau,”+
41 Pe a ou faamaʻai laʻu pelu iila,Ma sauni loʻu lima mo le faamasinoga,+Ou te tauimasui atu i ē e tetee mai+Ma ou te taui atu i ē ua ʻinoʻino mai iā te aʻu.
42 Ou te faainu ia onā aʻu aū i le toto,Ma o le a ʻaina e laʻu pelu tino o tagata,O le toto o ē ua fasiotia ma ē ua ave faapagota,O ulu o taʻitaʻi o fili.’
43 Ia olioli outou nuu uma faatasi ma lona nuu,+Auā e na te tauimasui i le toto o ana auauna,+Ma e na te tauimasui atu i ē e tetee mai,+E na te faia foʻi le togisala o* le laueleele o lona nuu.”
44 Ona sau ai lea o Mose ma fai atu upu uma o lenei pese a o faalogo mai i ai le nuu,+ o ia ma Hosea*+ le atalii o Nuno.
45 Ua māeʻa ona taʻu atu e Mose nei upu uma iā Isaraelu uma,
46 ona ia fai atu lea iā i latou: “Ia teu i o outou loto upu uma ia ua ou lapataʻi atu ai iā te outou i le asō,+ ina ia outou faatonuina a outou fanau ia toʻaʻaga e tausia upu uma o lenei Tulafono.+
47 Auā e lē o se upu faatauvaa ia mo outou, ae e faalagolago i ai lo outou ola,+ ma o upu foʻi ia e faaumiumi ai o outou aso i le laueleele lea tou te sopoʻia ai Ioritana e fai mo outou.”
48 Ua fetalai mai Ieova iā Mose i lea lava aso e faapea:
49 “Ia e alu aʻe i le mauga o Aperima,+ le mauga o Nepo+ lea e iai i le laueleele o Moapi, o loo fesagaʻi ma Ieriko, ma vaai atu ai i le laueleele o Kanana, lea ou te tuuina atu i le fanauga a Isaraelu e fai mo latou.+
50 Ona e maliu ai lea i le mauga lea e te alu aʻe ai, ma faatasia ma ou tagata,* e pei ona maliu lou uso o Arona i le mauga o Horo,+ ma ua faatasia ma ona tagata,
51 auā o oulua uma na lē faamaoni iā te aʻu i totonu o le fanauga a Isaraelu i vai o Meripa+ i Katesa, i le toafa o Tisina, talu ai na oulua lē faapaiaina aʻu i luma o le fanauga a Isaraelu.+
52 E te vaai mamao atu foʻi i le laueleele, ae e te lē ulu atu i lenā laueleele lea ou te tuuina atu i le fanauga a Isaraelu.”+
Faamatalaga Pito i Lalo
^ Pe atonu “le fanau a tagata.”
^ E faasino atu iā Iakopo.
^ Epe., “pepeti.”
^ Epe., “toto.”
^ Lona uiga “O Lē ua Amio Saʻo,” o se taʻu e aloaʻia mo Isaraelu.
^ Po o le “fuā.”
^ Po o “Seoli.” Tagaʻi i le Uiga o Upu.
^ Pe atonu “e faataligatuli i fautuaga.”
^ Tagaʻi i le Uiga o Upu.
^ Po o le “faanoanoa.”
^ Po o le “aai i a latou taulaga e sili ona lelei.”
^ Po o le “E na te faamamāina.”
^ O le igoa muamua lenā o Iosua. O Hosea o le faapuupuuga o Hosaia, o lona uiga “Faaolaina e Ioa.”
^ O se faaupuga faafatusolo lea mo le oti.
