Mapisarema 4:1-8

  • Munyengetero wekuvimba naMwari

    • “Kana mukagumbuka, musatadza” (4)

    • ‘Ndicharara murugare’ (8)

Kumutungamiriri; runofanira kuimbwa pamwe nezviridzwa zvine tambo. Rwiyo rwaDhavhidhi. 4  Pandinoshevedza, ndipindureiwo, Mwari wangu akarurama.+ Ndigadzirirei nzira yekutiza nayo* pandinenge ndichitambudzika. Ndinzwirei nyasha, munzwe munyengetero wangu.  2  Imi vanakomana vevanhu, mucharamba muchichinja kukudzwa kwangu kuti kuve kuninipiswa kusvikira riini? Mucharamba muchida zvinhu zvisina zvazvinobatsira uye muchitsvaga zvenhema kusvikira riini? (Sera)  3  Zivai kuti Jehovha achakudza* munhu wake akavimbika;Jehovha achanzwa pandinomushevedza.  4  Kana mukagumbuka, musatadza.+ Taurai nechemumwoyo, muri pamibhedha yenyu, murambe makanyarara. (Sera)  5  Ipai zvibayiro zvekururama,Muvimbe naJehovha.+  6  Kune vazhinji vari kuti: “Ndiani achatiratidza zvakanaka?” Itai kuti chiedza chechiso chenyu chipenye patiri, haiwa Jehovha.+  7  Mazadza mwoyo wangu nemufaro mukuruUnopfuura wevaya vakakohwa zviyo newaini itsva zvakawanda.  8  Ndicharara pasi, ndobatwa nehope murugare,+Nekuti imi mega, Jehovha, munoita kuti ndigare ndakachengeteka.+

Mashoko Emuzasi

^ ChiHeb., “Ndigadzirirei nzira yakafara.”
^ Kana kuti “achatsaura.”
SHANDURO YENYIKA ITSVA YEMAGWARO MATSVENE
Mapisarema 4
Shona
Verenga Bhaibheri paIndaneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt p. 40