Mapisarema 49:1-20
Kumutungamiriri. Rwiyo rwevanakomana vaKora.+
49 Inzwai izvi, imi marudzi.
Nyatsoteererai, imi mese vagari vepanyika,
2 Mese vakuru nevadiki,Vapfumi nevarombo.
3 Muromo wangu uchataura zveuchenjeri,Uye zvandinofungisisa mumwoyo wangu+ zvicharatidza kunzwisisa.
4 Ndichanyatsoteerera chirevo;Ndichatsanangura chirahwe changu nerudimbwa.
5 Nei ndichifanira kutya munguva dzematambudziko,+Pandinenge ndakakombwa nezvakaipa* zvevaya vari kuedza kundiwisira pasi?
6 Vaya vari kuvimba nepfuma yavo+Uye vanozvirumbidza pamusoro peupfumi hwavo hwakawanda,+
7 Hapana kana mumwe chete wavo anogona kudzikinura hama yakeKana kupa Mwari rudzikinuro nekuda kwake,+
8 (Mutengo wekudzikinura upenyu hwavo* unokosha kwazvoZvekuti havambofa vakaukwanisa);
9 Kuti ararame nekusingaperi, orega kuona gomba.*+
10 Anoona kuti kunyange vanhu vakachenjera vanofa;Benzi uye munhu asingafungi vanoparara pamwe chete,+Uye vanofanira kusiyira vamwe pfuma yavo.+
11 Chido chavo ndechekuti dzimba dzavo dzigare nekusingaperi,Matende avo agare kwezvizvarwa nezvizvarwa.
Vakatumidza nzvimbo dzavo mazita avo.
12 Asi munhu, kunyange achikudzwa, haarambi aripo;+Hapana paanopfuura mhuka dzinoparara.+
13 Iyi ndiyo nzira yemapenzi+Neyevaya vanovatevera, vanofarira mashoko avo asina maturo. (Sera)
14 Vanoendeswa kuGuva* semakwai ari kunourayiwa.
Rufu ruchavafudza;Vakarurama vachavatonga+ mangwanani.
Vachanyangarika;+Guva richava*+ imba yavo panzvimbo pekugara mudzimba dzemaoresa.+
15 Asi Mwari achandidzikinura* pasimba reGuva,*+Nekuti achandibata neruoko rwake. (Sera)
16 Usatya mumwe munhu nekuti ava mupfumi,Kukudzwa kweimba yake kwawedzera,
17 Nekuti paanofa hapana chaanokwanisa kuenda nacho;+Kukudzwa kwake hakuendi naye.+
18 Nekuti paanenge ari mupenyu anozvirumbidza.*+
(Vanhu vanokukudza paunobudirira.)+
19 Asi anozopedzisira abatana nechizvarwa chemadzitateguru ake.
Havazomboonizve chiedza.
20 Munhu asinganzwisisi izvi, kunyange achikudzwa,+Hapana paanopfuura mhuka dzinoparara.
Mashoko Emuzasi
^ ChiHeb., “nezvitadzo.”
^ Kana kuti “mweya wavo.”
^ Kana kuti “guva.”
^ Kana kuti “kuSheori.” Ona Tsanangudzo Yemashoko.
^ Kana kuti “Sheori ichava.” Ona Tsanangudzo Yemashoko.
^ Kana kuti “achadzikinura mweya wangu.”
^ Kana kuti “paruoko rweSheori.” Ona Tsanangudzo Yemashoko.
^ Kana kuti “anorumbidza mweya wake.”
