Ramba Uchinyengetera Kuti Ufarirwe naMwari
Mwari akatipa chipo chinokosha chekukwanisa kunyengetera tichimuudza zviri pamwoyo. Dhavhidhi akanyengetera kuti: “Haiwa imi Munzwi wemunyengetero, vanhu vemarudzi ese vachauya kwamuri.” (Pisarema 65:2) Asi tinganyengetera sei kuti Mwari atinzwe uye atikomborere?
NYENGETERA ZVICHIBVA PAMWOYO, UCHIZVININIPISA
Paunonyengetera, unogona kudurura mwoyo wako pamberi paMwari uchinyatsomuudza zviri kutsi kwemwoyo. (Pisarema 62:8) Mwari Wemasimbaose anofarira minyengetero yakadaro.
PAUNONYENGETERA SHANDISA ZITA RAMWARI
Mwari ane mazita akawanda ekuremekedza, asi ane zita rake chairo. Anoti: “Ndini Jehovha. Ndiro zita rangu.” (Isaya 42:8) Zita rekuti Jehovha rinowanika kanosvika ka7 000 muBhaibheri. Vashumiri vaMwari vekare vakawanda vaitaura naMwari vachishandisa zita rake. Abrahamu akati: “Ndapota, Jehovha, . . . regai ndirambe ndichitaura [nemi].” (Genesisi 18:30) Isuwo patinonyengetera, tinofanira kushandisa zita raMwari rekuti Jehovha.
NYENGETERA NEMUTAURO WAKO
Mwari anotinzwisisa pasinei nekuti tinoshandisa mutauro upi. Shoko rake rinoti: “Mwari haasaruri, asi anogamuchira vanhu vanobva mumarudzi ese vanomutya uye vanoita zvakarurama.”—Mabasa 10:34, 35.
Asi pane zvimwe zvatinofanira kuita kuti tikomborerwe naMwari. Tichazviongorora munyaya dzinotevera.
Zvimwe Zvaunogona Kufarira
MIBVUNZO YEBHAIBHERI INOPINDURWA
Chii Chandinganyengetera Nezvacho?
Ona kuti sei tisingafaniri kufunga kuti Mwari haanei nezviri kunetsa munhu mumwe nemumwe.
VECHIDIKI VANOBVUNZA KUTI
Nei Ndichifanira Kunyengetera?
Munyengetero inongova nzira yekuti munhu anzwe zviri nani here, kana kuti pane zvimwe zvaunoita?
MIBVUNZO YEBHAIBHERI INOPINDURWA
Mwari Anondinzwa Here Kana Ndikanyengetera?
Mwari ane hanya nematambudziko edu here?
NEZVEDU
Pinda Musangano
Inzwa zvakawanda nezvemisangano yedu. Tsvaga nzvimbo iri pedyo newe inoitirwa misangano.
