RAMBAI MAKAMUKA!
Zvinoita Here Kuti Vanhu Vemarudzi Akasiyana Vabatwe Zvakaenzana?—Bhaibheri Rinomboti Kudii?
Vanhu vakawanda vanoda kuti vanhu vemarudzi ese vabatwe zvakaenzana asi izvozvo hazvisi kuitika.
“Rusarura ruri kukanganisa masangano uye magariro evanhu pasi rese. Ruri kuita kuti vanhu vasabatwa zvakaenzana.”—António Guterres, UN Secretary-General.
Vanhu vemarudzi akasiyana vachazombobatwa zvakaenzana here? Bhaibheri rinomboti kudii?
Maonero anoita Mwari vanhu vemarudzi akasiyana-siyana
Bhaibheri rinotidzidzisa kuti Mwari anoona sei vanhu vemarudzi akasiyana-siyana.
“[Mwari] akaita marudzi ese evanhu kubva pamunhu mumwe chete, kuti agare panyika yese.”—Mabasa 17:26.
“Mwari haasaruri, asi anogamuchira vanhu vanobva mumarudzi ese vanomutya uye vanoita zvakarurama.”—Mabasa 10:34, 35.
Bhaibheri rinoratidza kuti vanhu vese imhuri imwe chete uye Mwari anogamuchira munhu wese pasinei nekuti ndewerudzi rupi.
Chii chichaita kuti vanhu vemarudzi ese vabatwe zvakaenzana?
Umambo hwaMwari, kureva hurumende iri kudenga, ndiyo ichaita kuti vanhu vabatwe zvakaenzana. Hurumende iyoyo ichadzidzisa vanhu kubata vamwe zvakanaka. Vanhu vachadzidziswa kubvisa pfungwa dzerusarura dzavangadaro vainadzo.
‘Vagari vepanyika vachadzidza nezvekururama.’—Isaya 26:9.
“Kururama kwechokwadi kuchaita kuti pave nerugare, uye kururama kwechokwadi kuchabereka runyararo nekuchengeteka zvinoramba zviripo.”—Isaya 32:17.
Iye zvino mamiriyoni evanhu ari kudzidza kubva muBhaibheri zvavanofanira kuita kuti varemekedze vamwe.
Kuti udzidze zvakawanda verenga Mukai! ine musoro unoti “Rusarura Ruchapera Here?”
Verenga nyaya yakanzi “Kutaura Nevana Nezvenyaya Yerusarura” kuti udzidze kuti vabereki vangakurukura sei nyaya iyi nevana vavo.
Zvimwe Zvaunogona Kufarira
ESSENTIAL BIBLE TEACHINGS
Umambo hwaMwari Chii?
Jesu paaiva panyika nyaya yaainyanya kudzidzisa vanhu ndeyeUmambo hwaMwari. Vanhu vava nemakore akawanda vachinyengetera kuti Umambo ihwohwo huuye.
BHAIBHERI RINOCHINJA UPENYU
Ndaida Kurwisa Rusaruro
Rafika akabatana nechimwe chikwata chaida kurwisa rusaruro. Asi akazodzidza kuti Umambo hwaMwari ndihwo huchabvisa rusaruro hwoita kuti panyika pave nerugare.
NHARIREYOMURINDI
Rusaruro Ruchapera Rini?
Zvakaitika kune vamwe zvinoratidza kuti Bhaibheri riri kutobatsira sei vanhu kuti vakunde rusaruro. Ruchanyatsopedzwa rini?
DZIMWE NYAYA
Tariro Yechokwadi Yeramangwana Rakanaka
Nemhaka yei zvinhu zvinovimbiswa muBhaibheri zvakasiyana nezvinozvimbiswa nevanhu?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
