“Zivisa Mashoko Akanaka!”
2024 Gungano reZvapupu zvaJehovha
Kupinda hakubhadhariswi • Hapafambiswi ndiro yekukumbira mari
Zvauchaona Nekunzwa Pagungano Racho
Chishanu: Ona uchapupu hunoratidza kuti mabhuku eEvhangeri anotaura nezveupenyu hwaJesu ndeechokwadi. Dzidza kuti zvinotaurwa mumabhuku aya zvingatibatsira sei.
Mugovera: Magwaro akanga agara ataura kutii nezvekuberekwa kwaJesu uye kwaaizokurira, uye uprofita ihwohwo hwakazadzika here?
Svondo: Mumharidzo yeBhaibheri ine musoro unoti “Nei Tisingatyi Mashoko Akaipa?” uchadzidza kuti nei vanhu vakawanda mazuva ano vachinzwa vakachengeteka uye vaine chokwadi chekuti zvinhu zvichanaka kunyange zvazvo zvinhu zviri kuwedzera kuipa.
Dhirama
Mashoko Akanaka Akataurwa naJesu: Vhidhiyo 1
Chiedza Chechokwadi Chinovhenekera Nyika
Kuberekwa kwaJesu chaiva chishamiso. Asi pane zvimwe zviitiko zvinokosha zvakawanda zvakaitika muupenyu hwake achiri mudiki. Aiita kuvhimwa namambo aida kumuuraya, uye vabereki vake vakatiza naye vachienda kuIjipiti. Nekufamba kwenguva, tinozoona Jesu ari pakati pevadzidzisi vairemekedzwa chaizvo. Vadzidzisi ava vanoshamiswa nekunzwisisa kwake. Uchaona nyaya idzi nezvimwe zvakaitika panguva iyi mudhirama rine zvikamu zviviri richabudiswa musi weChishanu nemusi weMugovera.
Ona mavhidhiyo anotevera kuti unzwe zvakawanda nezvegungano regore rino
Chii Chinoitwa Pamagungano Edu?
Ona vhidhiyo iyi kuti uzive zvinoitwa pagungano reZvapupu zvaJehovha.
Gungano ra2024 reZvapupu zvaJehovha Rinoti: “Zivisa Mashoko Akanaka!”
Ona zvatichadzidza pagungano regore rino.
Nzwisa Yedhirama: Mashoko Akanaka Akataurwa naJesu
Vanhu vakawanda vanoziva nezvechishamiso chekuberekwa kwaJesu. Asi ndezvipi zvakaitika asati azvarwa uye zvakazoitika pashure pekunge aberekwa?