Matambudziko Emari Uye Zvikwereti—Bhaibheri Rinogona Kubatsira Here?
Mhinduro yeBhaibheri
Hongu. Mazano mana aya anodzidziswa neBhaibheri anogona kukubatsira paunosangana nematambudziko emari uye zvikwereti:
Gara waronga kuti uchashandisa sei mari. “Zvirongwa zvomunhu anoshingaira zvinobatsira, asi munhu wose anokurumidzira zvinhu achashayiwa njere.” (Zvirevo 21:5) Usamhanyira kutenga chimwe chinhu nemhaka yokuti chakachipa. Gara waronga kuti uchashandisa sei mari yako kana kuita bhajeti uye woita sezvaunenge waronga izvozvo.
Rega kungozvipinza muzvikwereti zvisina basa. “Anokwereta anova muranda womunhu anomukweretesa.” (Zvirevo 22:7) Kana utori muchikwereti uye usingakwanisi kuchibhadhara nenguva, taura nevakakukweretesa kuti uri kuronga kuzovabhadhara riini uye sei. Ramba uchiedza. Iva nemaonero akafanana neemunhu anotaurwa pana Zvirevo 6:1-5: “Enda undozvirereka uchikumbira kuti hama yako ikupfavire. Usarega meso ako achikotsira, kana kurega tsiye dzako dzichiremerwa nehope.” (Bhaibheri Rinoyera) Kunyange chikumbiro chako chikasagamuchirwa pakutanga, ramba uchikumbira kuti upiwe nguva yokuzobhadhara chikwereti chako.
Usaona sokuti ukashayiwa mari unofa. “Munhu anonyima ane shungu dzokuda kupfuma—asingazivi kuti urombo hwakamugarira.” (Zvirevo 28:22, Bhaibheri Dzvene muChiShona Chanhasi) Kuchiva uye makaro hazvingogumiri pakuita kuti urasikirwe nemari asi zvinogona kukukanganisa pakunamata.
Gutsikana. “Kana tiine zvokudya nezvokupfeka nepokugara, tichagutsikana nezvinhu izvi.” (1 Timoti 6:8) Kufara uye kugutsikana hazvitengwi nemari. Vamwe vanhu vanofara chaizvo muupenyu havana mari yakawanda. Chavanokoshesa rudo rwunowanikwa mumhuri dzavo uye neshamwari dzavo uyewo ukama hwakasimba naMwari.—Zvirevo 15:17; 1 Petro 5:6, 7.
Zvimwe Zvaunogona Kufarira
DZIMWE NYAYA
Zvaungaita Kuti Urarame Kana Uine Mari Shoma
Munhu anogona kunetseka kana ava kuwana mari shoma, asi mazano ari muBhaibheri anogona kumubatsira kuti akwanise kurarama nekamari ikako kashoma.
NHARIREYOMURINDI
Zvaungaita Kuti Urarame—Zvinoenderana Nehomwe Yako
Dzidza kuti kushandisa mazano eBhaibheri kungakubatsira sei pamashandisiro aungaita mari yako uye kuti usaita zvikwereti zvisina basa.
KUTSANANGURWA KWEMAVHESI
Mateu 6:34 Inotsanangurwa—“Musambozvidya Mwoyo Pamusoro Pezuva Rinotevera”
Jesu akanga asiri kurambidza vanhu kuti varonge ramangwana ravo.
MAVHIDHIYO EMAKATUNI OKUDHIROWA
Ungaita Sei Kuti Ushandise Mari Zvakanaka?
Pota uchichengeta imwe mari kuitira kuti ugozoishandisa kana pakazomuka zvimwe zvinhu!
MUKAI!
Bhaibheri Rinokubatsira—Kushandisa Mari Zvakanaka
Mazano emuBhaibheri anogona kukubatsira here kuti ushandise mari yako zvakanaka?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.