Ndoita Sei Kana Ndisingachakwanisi Kurega Kuona Zvinonyadzisira?
Zvaunogona kuita
Ziva kuti kuona zvinonyadzisira kunorevei. Kuona zvinonyadzisira kunoita kuti uzvidze chinhu chakanzi naMwari chinoremekedzwa. Ukanzwisisa izvozvo zvichakubatsira kuti ‘uvenge zvakaipa.’—Pisarema 97:10.
Funga zvakaipira kuona zvinonyadzisira. Kuona zvinonyadzisira kunoderedza chiremerera chevanhu vacho vari kubudiswa newe wacho uri kuona. Ndokusaka Bhaibheri richiti: “Munhu ane njere anoona dambudziko ovanda.”—Zvirevo 22:3.
Tsidza kusaona zvinonyadzisira. “Ndakatsidza mumwoyo mangu kuti handimbofi ndakatarira musikana ndichimuchiva,” akadaro murume aiva akavimbika ainzi Jobho. (Jobho 31:1, Today’s English Version) Zvimwe zvitsidzo zvaunogona kuita ndeizvi:
Handishandisi Indaneti pandinenge ndiri ndoga.
Ndikangoona peji riri kuratidza zvinhu zvakarerekera kune zvinhu zvinonyadzisira ndinokurumidza kuridzima.
Kana ndikaona ndichitadza kuzvidzora kurega tsika iyi ndichataura nemumwe munhu mukuru wandinovimba naye.
Kuramba uchiona zvinonyadzisira kunoita kuti zviwedzere kukuomera kusiya tsika yacho
Nyengetera nezvenyaya yacho. Munyori wepisarema akateterera kuna Jehovha Mwari achiti: “Itai kuti maziso angu arege kutarira zvinhu zvisina zvazvinobatsira.” (Pisarema 119:37) Mwari anoda kuti ukunde dambudziko iri uye kana ukanyengetera kwaari anogona kukupa simba rokuti uite zvakarurama!—VaFiripi 4:13.
Udza mumwe munhu. Kazhinji kuva nomumwe munhu waunovimba naye waunoudza kunogona kukubatsira kuti usiye tsika iyi yakaipa.—Zvirevo 17:17.
Yeuka kuti: Pose paunorega kuona zvinonyadzisira unenge wakunda zvine mutsindo pahondo iyi. Udza Jehovha Mwari nezvekukunda kwawaita uye mutende nesimba raakupa. Kana ukarega kuona zvinhu zvinonyadzisira uchaita kuti mwoyo wake ufare chaizvo!—Zvirevo 27:11.
Zvimwe Zvaunogona Kufarira
MIBVUNZO YEBHAIBHERI INOPINDURWA
Bhaibheri Rinotii Nezvekuona Zvinonyadzisira Uye Kutaura Nezvebonde Paindaneti?
Zvinhu zvinovaraidza asi zvichibudisa nyaya dzebonde zvazara kwose-kwose. Kuwanda kwazvo kunoreva here kuti kuzviona kana kuzviverenga hakuna kuipa?
VECHIDIKI VANOBVUNZA KUTI
Kuona Zvinonyadzisira Kwakaipirei?
Kuona zvinonyadzisira kwakafanana papi nokusvuta fodya?
MAPEPA EZVANDAKARONGA KUITA
Kukunda Muedzo Wokuona Zvinonyadzisira
Nei kuita kuti kombiyuta isavhure dzimwe nzvimbo dzepaIndaneti kusina kukwana?
DZIDZISO DZEBHAIBHERI DZINOKOSHA
Kuona Zvinonyadzisira Kutadzira Mwari Here?
Mashoko ekuti “kuona zvinonyadzisira” arimo muBhaibheri here? Tingaziva sei kuti Mwari anoona sei kuona zvinonyadzisira?
VECHIDIKI VANOBVUNZA KUTI
Zvii Zvandinofanira Kuziva Nezvekutumira Mameseji Anonyadzisira?
Pane vanhu vanoita kuti ude kutumira mameseji anonyadzisira here? Kuzviita kwakaipirei? Ingori nzira yokutamba kworudo isingakuvadzi here?
NHARIREYOMURINDI
Zvinonyadzisira Hazvikuvadzi Here?
Kuona zvinonyadzisira kunokanganisa sei vanhu uye mhuri?
