Gado Kownukondre o tyari wan kaba kon na ala libisma tirimakti èn a o tiri heri grontapu (Danièl 2:44; Openbaring 16:14). Te dati pasa, dan Gado Kownukondre o . . .

•   Puru den ogri sma di e prakseri densrefi nomo èn di e tyari problema kon gi wi alamala. „Gado o figi den ogri sma puru na grontapu.”​—Odo 2:22.

•   Tyari wan kaba kon na ala feti. „Na ala sei fu grontapu [Gado] e meki feti kon na wan kaba.”​—Psalm 46:9.

•   Meki taki ala sma abi wan bun libi èn taki den no o abi fu frede moro. „Ibriwan sma o sidon na ondro en eigi droifibon nanga en eigi figabon. Nowan sma o meki den frede.”​—Mika 4:4.

•   Meki grontapu tron wan paradijs. „A sabana nanga den presi sondro watra o bari fu prisiri. Iya, a drei sabana o breiti srefisrefi èn a o lai bromki.”​—Yesaya 35:1.

•   Sorgu taki ala sma abi wan bun wroko di den lobi. „Den wan di [Gado] teki o nyan bun fu a wroko di den du. Den no o wroko tranga fu soso.”​—Yesaya 65:21-23.

•   Puru siki. „Nowan sma di e tan na ini a kondre o taki: ’Mi siki.’”​—Yesaya 33:24.

•   Sorgu taki nowan sma o owru moro. „Meki en skin kon moro moi leki di a ben yongu. Meki a kon abi krakti baka neleki di a ben yongu.”​—Yob 33:25.

•   Meki den dedewan kon na libi baka. „Ala den sma di de na ini den grebi o yere en sten èn den o komopo drape.”​—Yohanes 5:28, 29.