Odo 31:1-31
31 Den sani di e kon now, na san Kownu Lemuwel taki. Na en m’ma ben gi en a prenspari boskopu disi fu gi en leri:
2 Mi boi, san mi musu taigi yu?Iya, san mi musu taigi yu mi boi, di kmoto na ini mi bere?San mi musu taigi yu, mi boi? Den sweri di mi meki na fesi Gado, meki taki mi kisi yu.
3 No lasi yu krakti tapu umasmaèn no waka a pasi di pori a libi fu kownu.
4 Kownu Lemuwel, a no fiti taki wan kownu e dringi winèn a no fiti taki wan tiriman e aksi: „Pe mi sopi de?”
5 Bika te den dringi a sopi, den kan fergiti a wetèn den no o koti krutu na wan reti fasi gi den mofinawan.
6 Gi den sma di de fu dede sopi fu dringièn gi den sma di de nanga bigi sari win fu dringi.
7 Meki den dringi fu den fergiti taki den pôtièn fu den fergiti den brok’ede fu den.
8 Opo taki gi den sma di no man taki.Iya, feti gi den reti fu ala den sma di de fu dede.
9 Opo yu mofo taki wan sani èn koti krutu na wan reti fasi.Feti gi den reti fu den mofinawan nanga den pôtiwan.
א [Alef]
10 Suma kan feni wan bun frow?
A warti moro koraal-ston.*
ב [Bet]
11 A masra fu en e fertrow en nanga en heri atièn a no e mankeri noti.
ג [Gimel]
12 En heri libi langa a frow e du bun gi en masra.A no e libi takru nanga en.
ד [Dalet]
13 A e go bai linnen-krosi nanga krosi fu skapu-w’wiri.A e du ala wroko nanga prisiri.
ה [He]
14 A de leki den sipi fu wan bisnisman.A e waka fara fu feni n’nyan.
ו [Waw]
15 Boiti dati, a e opo te a dungru eteèn a e gi en osofamiri n’nyan.A e gi den umasrafu fu en a n’nyan di den musu kisi.
ז [Sayin]
16 A si wan pisi gron di a wani èn a bai en.Nanga a moni di a wroko* a prani wan droifigron.
ח [Het]
17 A e sreka ensrefi fu wroko tranga*èn en anu no e weri fu wroko.
ט [Tet]
18 A si taki a seri fu en e waka.A lampu fu en no e dede te neti.
י [Yod]
19 A e hori a wrokosani fu meki t’teièn nanga en anu a e lolo t’tei na wan tiki.*
כ [Kaf]
20 A e langa en anu fu yepi den mofinawan nanga den pôtiwan.ל [Lamed]
21 Na ini a kowru ten fu a yari a no e broko en ede nanga en osofamiri,bika en heri osofamiri abi waran* krosi fu weri.
מ [Mem]
22 A e meki krosi fu bradi na tapu en bedi.
Den krosi fu en meki fu linnen nanga paars skapu-w’wiri.
נ [Nun]
23 Sma sabi a masra fu en bun,fu di a e sdon na den portu fu a foto makandra nanga den owru man fu a kondre.
ס [Samek]
24 A e meki linnen-krosi* èn a e seri den.Den riem di a meki a e tyari go seri gi den bisnisman.
ע [Ayin]
25 A abi dek’ati èn sma e lespeki en.A e lafu te a e prakseri a tamara.
פ [Pe]
26 Te a e opo en mofo, a e taki nanga koni.A wet fu switifasi de na tapu en tongo.*
צ [Tsade]
27 A e luku taki ala sani e go bun na ini en osoèn a no lesi srefsrefi.
ק [Kof]
28 Den pkin fu en opo tnapu èn den e prèise en.En masra e opo tnapu èn a e prèise en tu.
ר [Resj]
29 Furu bun uma de.Ma yu bun moro den alamala.
ש [Syin]
30 A switifasi fu wan uma kan kori sma èn a moi fu en kan lasi gwe.*Ma na uma di abi lespeki gi Yehovah, na en sma o prèise.
ת [Taw]
31 Meki a kisi a pai fu a wroko di a e du.Meki den wroko fu en prèise en na den portu fu a foto.
Futuwortu
^ Hebrewtongo: „Nanga a froktu fu en anu”.
^ Hebrewtongo: „A e domru en dyonku nanga krakti”.
^ Na ini Bakratongo den wrokosani disi nen spinrokken nanga spoel. Disi ben de tiki di sma ben gebroiki fu meki t’tei.
^ Hebrewtongo: „tu”.
^ Noso: „ondrokrosi”.
^ Noso: „A e gi leri na wan switi fasi”, „A wet fu bun-ati de na tapu en tongo”.
^ Noso: „kan leigi”.
