UMBUTO 7
Yini LiBhayibheli Lelayiphrofetha Ngemalanga Etfu?
“Sive sitawuvukela lesinye sive, nembuso uvukele lomunye umbuso . . . Tonkhe letintfo titawube tikucala kwemihelo.”
“Kutawuvela baphrofethi bemanga labanyenti badukise incumbi yebantfu, futsi ngenca yekwandza kwebubi, bantfu labanyenti batawuphelelwa lutsandvo.”
“Ngetulu kwaloko, naniva ngetimphi etindzaweni letehlukahlukene, ningesabi; ngobe letintfo kufanele tenteke, kodvwa kuphela kutawube kusengakefiki.”
“Kutawuba khona kutamatama lokukhulu kwemhlaba; kube nendlala kanye netifo letingumshayabhuce etindzaweni letehlukahlukene; bantfu batawubona tintfo letetfusako futsi kutawuba netibonakaliso letinkhulu ezulwini.”
“Emalangeni ekugcina kutawuba netikhatsi letibucayi lokumatima kubhekana nato. Ngobe bantfu batawutitsandza bona, batsandze imali, batigabatise, batigcabhe, bahlambalate, bangalaleli batali, bangabongi, bangetsembeki, babe bete lutsandvo, bangavumi kwenta tivumelwane, banyundzele, bangatibambi, babe nelulaka, bangakutsandzi lokuhle, batsengise ngalabanye, babe nenkhani, bagcwale umgcabho, batsandze injabulo kunekutsandza Nkulunkulu, babonakale shengatsi bayamhlonipha Nkulunkulu kodvwa indlela labaphila ngayo ingakukhombisi loko; bantfu labanjalo ubobafulatsela.”
