UMBUTO 5
Uyini Umlayeto WeliBhayibheli?
“Ngitawenta kutsi kube nebutsa emkhatsini wakho nemfati nasemkhatsini wentalelwane yakho nentalelwane yakhe. Yona itawufihlita inhloko yakho, futsi wena utayilimata esitsendzeni.”
“Tonkhe tive temhlaba titawubusiswa ngentalelwane yakho, ngobe wena ulilalele livi lami.”
“UMbuso wakho awute. Intsandvo yakho ayentiwe emhlabeni njengasezulwini.”
“Masinyane, Nkulunkulu lonika kuthula utawupitjita Sathane ngephansi kwetinyawo tenu.”
“Kutawutsi lapho tonkhe tintfo setibekwe ngephansi kwayo, iNdvodzana nayo itawutibeka ngephansi kwaLoyo lowabeka tonkhe tintfo ngephansi kwayo, kuze Nkulunkulu abe nguko konkhe kubo bonkhe.”
“Letetsembiso tashiwo ku-Abrahama nasentalelwaneni yakhe . . . , lenguKhristu. Ngetulu kwaloko, nangabe nibaKhristu, ningiyo mbamba intalelwane ya-Abrahama.”
“Umbuso wemhlaba sewunguMbuso weNkhosi yetfu newaKhristu wayo, yona itawuba yinkhosi phakadze naphakadze.”
“Ngako wajikijelwa phansi drago lomkhulu, inyoka yekucala, lobitwa ngekutsi nguDeveli nangekutsi nguSathane, lodukisa umhlaba wonkhe; wajikijelwa phansi emhlabeni, netingilosi takhe tajikijelwa phansi kanye naye.”
“Yabamba drago, inyoka yekucala, longuDeveli futsi longuSathane, yambopha iminyaka lengu-1 000.”
