Kulandzisa KwaLukha 3:1-38
3 Ngemnyaka wesi-15 wekubusa kwaThibheriyusi Khesari, ngesikhatsi Phontiyuse Pilatu angumbusi waseJudiya, Herodi*+ angumbusi wesifundza saseGalile, Filiphu umnakabo angumbusi wendzawo yase-Ithureya neyaseTrakhonithusi, futsi Lisaniyasi angumbusi wase-Abhilene,
2 emalangeni aKhayafase na-Anasi lebebabaphristi labakhulu;+ Nkulunkulu wamemetela emavi akhe kuJohane+ indvodzana yaZakhariya ngesikhatsi asehlane.+
3 Ngako Johane waya kuto tonkhe tindzawo letiseceleni kweJordane, ashumayela kutsi bantfu babhajatiswe kuze bavete kutsi baphendvukile khona batotsetselelwa tono,+
4 njengobe kubhaliwe encwadzini yemphrofethi Isaya kwatsiwa: “Ukhona lomemeta ehlane, utsi: ‘Lungisani indlela yaJehova!* Yenteni icondze.+
5 Tonkhe tihosha kufanele tigcwaliswe, nato tonkhe tintsaba kanye nemagcuma kufanele kwentiwe kube yindzawo lebekile, tindlela letingakacondzi kufanele ticondziswe, netindlela letimbi kufanele tilungiswe,
6 bonkhe bantfu batawubona indlela Nkulunkulu lasindzisa ngayo.’”+
7 Ngako wacala kukhuluma nesicumbi sebantfu lebesite kuye kuze asibhabhatise, watsi: “Ntalelwane yetinyoka, ngubani lonitjele kutsi ningalubalekela lulaka lwaNkulunkulu lolutako?+
8 Ngako-ke tselani titselo letiveta kuphendvuka. Ningatiyengi nitsi: ‘Babe wetfu ngu-Abrahama.’ Ngobe ngitsi kini: Nkulunkulu angakwati kuvetela Abrahama bantfwana kulamatje.
9 Lizembe selikulungele kujuba timphandze tesihlahla. Ngako tonkhe tihlahla letingatseli titselo letinhle titawujutjwa bese tijikwa emlilweni.”+
10 Ngako lesicumbi besimbuta sitsi: “Yini-ke lokufanele siyente?”
11 Wasiphendvula watsi: “Umuntfu lonetimphahla letimbili akaphe loyo lote ngisho nayinye, naloyo lonekudla akente lokufanako.”+
12 Nebatselisi bebeta kuye kuze babhajatiswe,+ futsi bebatsi kuye: “Mfundzisi, yini lokufanele siyente?”
13 Wabaphendvula watsi: “Ningafuni* umtselo longetulu kwaloyo losemtsetfweni.”+
14 Nalabo labasembutfweni wemasotja bebambuta batsi: “Yini lokufanele siyente?” Bekabaphendvula atsi: “Ningahluphi* muntfu nobe nimangalele lotsite ngemanga,+ kodvwa yenetiswani nguloko leninako.”*
15 Bantfu bebalindzele Khristu, futsi bonkhe bebatibuta ngaJohane batsi: “Kungenteka yini kutsi lomuntfu unguKhristu?”+
16 Johane wabaphendvula bonkhe watsi: “Mine nginibhabhatisa ngemanti, kodvwa loyo lota emvakwami unemandla kunami, futsi angikufaneli ngisho nekumkhumula tintsambo tetincabule takhe.+ Yena utanibhabhatisa ngemoya longcwele nangemlilo.+
17 Lithulusi lakhe lekwela lisesandleni sakhe, futsi utawushanyelisisa libala lekubhulela, abutsele kolo etingungwini, kodvwa emakhoba awashise ngemlilo longeke ucimeke.”
18 Ngako Johane bekasolo abakhutsata ngetindlela letinyenti futsi achubeka nekumemetela tindzaba letimnandzi kubantfu.
19 Ngesizatfu sekutsi Johane bekekhuta iNkhosi Herodi ngenca yaHerodiyasi umfati wemnakabo, kanye nangato tonkhe tintfo letimbi lebeyitentile,
20 yabese yenta lokubi kakhulu ngekutsi ivalele Johane ejele.+
21 Ngesikhatsi bonkhe bantfu babhajatiswa, naJesu wabhajatiswa.+ Watsi nakathantaza, lizulu lavuleka,+
22 kwase kwehlela etikwakhe umoya longcwele unjengelituba. Kwevakala nelivi liphuma ezulwini litsi: “Wena uyiNdvodzana yami letsandzekako, ngikwemukele.”+
23 Ngesikhatsi Jesu+ acala umsebenti wakhe, bekaneminyaka lengaba ngu-30 budzala,+ futsi bantfu bebatsi uyindvodzanayaJosefa,+lobekayindvodzana yaHeli,
24 indvodzana yaMathati,indvodzana yaLevi,indvodzana yaMelkhi,indvodzana yaJanayi,indvodzana yaJosefa,
25 indvodzana yaMathathiyase,indvodzana ya-Amose,indvodzana yaNahume,indvodzana yaHesli,indvodzana yaNagayi,
26 indvodzana yaMahathi,indvodzana yaMathathiyase,indvodzana yaSemeyini,indvodzana yaJoseki,indvodzana yaJoda,
27 indvodzana yaJowanani,indvodzana yaResa,indvodzana yaZerubhabheli,+indvodzana yaSheyaltiyeli,+indvodzana yaNeri,
28 indvodzana yaMelkhi,indvodzana ya-Adi,indvodzana yaKhosamu,indvodzana ya-Elmadamu,indvodzana ya-Eri,
29 indvodzana yaJesu,indvodzana ya-Eliyezeri,indvodzana yaJorimu,indvodzana yaMathati,indvodzana yaLevi,
30 indvodzana yaSimeyoni,indvodzana yaJudasi,indvodzana yaJosefa,indvodzana yaJonamu,indvodzana ya-Eliyakimu,
31 indvodzana yaMeliya,indvodzana yaMena,indvodzana yaMathatha,indvodzana yaNathani,+indvodzana yaDavide,+
32 indvodzana yaJese,+indvodzana ya-Obedi,+indvodzana yaBhowazi,+indvodzana yaSalmoni,+indvodzana yaNasoni,+
33 indvodzana ya-Aminadabi,indvodzana ya-Arini,indvodzana yaHesroni,indvodzana yaPheresi,+indvodzana yaJuda,+
34 indvodzana yaJakobe,+indvodzana ya-Isaka,+indvodzana ya-Abrahama,+indvodzana yaThera,+indvodzana yaNahori,+
35 indvodzana yaSerugi,+indvodzana yaRehu,+indvodzana yaPhelegi,+indvodzana ya-Ebheri,+indvodzana yaShela,+
36 indvodzana yaKhenani,indvodzana ya-Aphakisadi,+indvodzana yaShemi,+indvodzana yaNowa,+indvodzana yaLameki,+
37 indvodzana yaMethusela,+indvodzana ya-Enoki,indvodzana yaJarede,+indvodzana yaMahalaleli,+indvodzana yaKhenani,+
38 indvodzana ya-Enoshi,+indvodzana yaSethi,+indvodzana ya-Adamu,+indvodzana yaNkulunkulu.
Imibhalo lengentansi
^ Lokusho, Herodi Antipasi. Fundza Tinchazelo Temagama.
^ Fundza Sandzisanchazo A5.
^ Nobe “Ningatsatsi.”
^ Nobe “ngumholo leninawo.”
^ Nobe “Ningemuki.”
