Tihlabelelo 12:1-8
-
Jehova uyasukuma kuze atsatse sinyatselo
-
Emavi aNkulunkulu amsulwa (6)
-
Sicondziso lesiya kumcondzisi: Kufanele idlalwe ngeShiminithi.* Ingoma yaDavide.
12 Awu Jehova, ngisindzise ngobe sekute bantfu labacotfo;Labetsembekile sebaphelile emhlabeni.
2 Bantfu bakhuluma emanga kulomunye nalomunye;Bahhalatisa bantfu ngemilomo yabo* futsi babakhohlise.*+
3 Jehova utayijuba yonkhe imilomo lehhalatisakoAjube nelulwimi lwalabatigabatisako,+
4 Lokubantfu labatsi: “Lulwimi lwetfu lunemandla.
Senta lesikufunako ngemilomo yetfu;Ngubani nje longaba yinkhosi yetfu?”+
5 Jehova utsi: “Ngenca yekutsi bantfu labahluphekile bayacindzetelwa,Nangenca yekububula kwabo,+Ngitawusukuma,Ngibasindzise kulabo labababukela phansi.”
6 Emavi aJehova amsulwa;+Afanana nelisiliva lelicwengwe ngemlilo,* lahlanjululwa tikhatsi letingu-7.
7 Awu Jehova, wena utabanakekela labahluphekile;+Utawubavikela kusukela kulesitukulwane kuze kube phakadze.
8 Bantfu lababi benta matsandzaNgobe emadvodzana ebantfu akhutsata kutsi kwentiwe tintfo letimbi.+
Imibhalo lengentansi
^ Fundza Tinchazelo Temagama.
^ NgesiHebheru kutsi, “Bakhuluma nebantfu ngetindzebe letitsambile.”
^ Nobe “bakhulume ngenhlitiyo lemphacambili.”
^ Kungaphindze kubekwe ngekutsi, “ngemlilo lobaswe phansi wekuncibilikisa insimbi.”
