Bantfu labanyenti babona shengatsi kute sisombululo setinkinga letitawuba khona nga-2024. Nobe kunjalo, singaba nelitsemba ngelikusasa. Singalitfola kuphi?

 LiBhayibheli lisetsembisa kutsi Nkulunkulu utawucedza tinkinga letisenta singabi nelitsemba lamuhla. Madvutane, Nkulunkulu “uyakwesula tonkhe tinyembeti emehlweni abo, kufa ngeke kusaba khona, futsi kulila, nekukhala kanye nebuhlungu ngeke kusaba khona.”​—Sembulo 21:4.

•   Kuze utfole lokunyenti ngetetsembiso teliBhayibheli ngelikusasa, fundza sihloko lesitsi “Litsemba Sibili Ngelikusasa Lelihle.”

 Tetsembiso teliBhayibheli tingakwenta ube nelitsemba ngelikusasa, uncobe kudvumateka futsi uhlale ujabulile. (KubaseRoma 15:13) Seluleko seliBhayibheli lesisebentako singaphindze sikusite ubhekane netinkinga lokungenteka unato nyalo, letinjengekweswela, kungalungi kanye nekugula.

•   Tfola kutsi litsemba liBhayibheli lelisiniketa lona liyisite njani lenye indvodza yatfola kuthula kanye nenjabulo ngisho nobe ikhule yeswele. Bukela i-video letsi Juan Pablo Zermeño: Jehova Wangipha Kuphila Lokunenjongo.

•   Tfola indlela liBhayibheli lelingakusita ngayo nawutisola ngalokutsite, uva buhlungu, ukhatsatekile nobe ushonelwe ngumuntfu lomtsandzako. Fundza sihloko lesitsi “IBhayibheli Linawo Yini Amazwi Enduduzo?,” lesitfolakala ngesiZulu.

•   Bona indlela lomunye wesifazane lobekalisotja lalitfola ngayo litsemba eBhayibhelini ngisho nobe bekatitsatsa njengemuntfu “lomubi nalongacabangelani.” Bukela i-video letsi Ngasibeka Phansi Isibhamu Sami, letfolakala ngesiZulu.

 Yenta 2024 ube ngumnyaka lojabulisako kuwe nemndeni wakho. Tfola lokunyenti mayelana nendlela liBhayibheli lelingakusita ngayo. Dadisha natsi liBhayibheli mahhala. Fundza ngendlela Nkulunkulu langakusita ngayo kutsi ube “nekuthula” nyalo, “nelikusasa lelihle kanye nelitsemba.”​—Jeremiya 29:11.