Alandzisa ngekuphila kwaJesu, umbhali weliBhayibheli, Lukha, watsi: “Ngitihlolisise ngekucophelela kusukela ekucaleni.”—Lukha 1:3.

 Labanye batsi kulandzisa ngekuphila kwaJesu lokubhalwe emaVangelini—babhali, Matewu, Makho, Lukha kanye naJohane—kwashintjwa, cishe ngelikhulu lesine.

 Noma kunjalo, incenye lebalulekile yeliVangeli laJohane yatfolakala eGibhithe cishe ngelikhulu lesi-20 leminyaka. Nyalo seyatiwa ngekutsi yi-Papyrus Rylands 457 (P⁵²) futsi ingcinwe e-John Rylands Library, eManchester, eNgilandi. Icuketse umbhalo waJohane 18:31-33, 37, 38 emaBhayibhelini anyalo.

 Lena yincenye lendzala kakhulu leyatiwako yemiBhalo yemaKhristu yesiGriki. Liningi lebantfu labafundzile likholelwa kutsi yabhalwa nga-125 C.E., lokungesiso sikhatsi lesidze ngemuva kwekubhalwa kwemibhalo yekucala. Emagama labhalwe kulencenye, avumelana ncamashi nalawa latfolakala emibhalweni yakamuva.