Dipesaleme 36:1-12
Ho motsamaisi. Pesaleme ya Davida, mohlanka wa Jehova.
36 Bobe bo ka harehare ka pelong ya motho bo mo susumeletsa ho etsa dintho tse mpe.
Ha a tshabe Modimo.+
2 O ipona a le bohlokwa haholoHoo a sa hlokomeleng phoso ya hae le ho e hloya.+
3 Mantswe a hae a a hlaba ebile a a thetsa.
Ha a na bohlale ba ho etsa dintho tse ntle.
4 Esita le ha a le betheng ya hae o rera dintho tse kotsi.
O tsamaya tseleng e sa lokang.
Ha a tlohele dintho tse mpe.
5 Jehova, lerato* la hao le fihla lehodimong,+Botshepehi ba hao bo fihla marung.
6 Toka ya hao e jwalo ka dithaba tse kgolo.*+Dikahlolo tsa hao di tshwana le metsi a mangata a tebileng.+
Jehova, o pholosa* motho le phoofolo.+
7 Modimo, lerato* la hao le bohlokwa haholo.+
Bara ba batho ba balehela moriting wa mapheo a hao.+
8 Ba nwa dintho tse ngata tse monate tsa ntlo ya hao ho fihlela ba kgotsofetse,+O ba fa dintho tse ngata tse thabisang jwalo ka ha eka o ba nwesa nokeng e nang le metsi a mangata.+
9 O mohlodi wa bophelo.+
Ka lesedi la hao re kgona ho bona lesedi.+
10 O nne o bontshe ba o tsebang hore o a ba rata*+Le ba dipelo di ntle hore o lokile.+
11 O se ke wa dumella hore ke hatakelwe ke leoto la ya ikgohomosangKapa hore letsoho la ya kgopo le nteleke.
12 Ba etsang dintho tse mpe ke bao ba wele.
Ba lahletswe fatshe mme ha ba kgone ho ema.+
