Diproverbia 22:1-29
22 Kgetha botumo bo botle* ho ena le maruo a mangata.+
Ho hlomphuwa ho molemo ho feta silevera le kgauta.
2 Morui le mofutsana ba tshwana ka ntho ena:*
Jehova o ba bopile ba le babedi.+
3 Ya bohlale o bona kotsi ebe o a ipataEmpa ba se nang kelello* ha ba ipate ebe ba fumana ditholwana tse bosula.*
4 Motho ya ikokobeditseng a bile a tshaba JehovaO tla fumana maruo, tlhompho le bophelo.+
5 Meutlwa le difi di tseleng ya motho ya sa tshepahalengEmpa ya ratang bophelo ba hae o emella hole le tsona.+
6 Ruta ngwana* tsela eo a lokelang ho e nka.+
Esita le ha a tsofala a ke ke a e fapoha.+
7 Morui o busa mofutsanaMme ya adingwang ke lekgoba la motho ya mo adimang.+
8 Mang kapa mang ya jalang ho se loke o tla kotula tlokotsi,+Molamu wa kgalefo ya hae o tla fela.+
9 Motho ya fanang* o tla hlohonolofatswaHobane o arolelana dijo tsa hae le bafutsana.+
10 Leleka mosomiQabang e fele.
Dikgang* le ditlhapa le tsona di tla kgaotsa.
11 Motho ya ratang pelo e hlwekileng a bile a le dipuo di mosaE tla ba motswalle wa morena.+
12 Mahlo a Jehova a sireletsa tseboEmpa o shanofatsa mantswe a molotsana.+
13 Ya botswa o re: “Ho na le tau ka ntle,E tla mpolaela seterateng.”+
14 Melomo ya basadi ba dihlola* e jwalo ka sekoti se tebileng.+
Ya ahlotsweng ke Jehova o tla wela ka ho sona.
15 Bowatla bo tlameletswe pelong ya ngwana*+Empa thupa e mo kgalemelang e tla bo suthisetsa hole le yena.+
16 Ya etsetsang bafutsana bolotsana hore a ikekeletse maruo+Le ya fang barui dimpho,Qetellong o tla futsaneha.
17 Mamela mantswe a ba bohlale+ ka hlokoE le hore o amohele tsebo ya ka ka pelo yohle.+
18 Ke ntho e monate ho a boloka ka pelong ya hao+E le hore kaofela ha ona a ka ba molomong+ wa hao ka dinako tsohle.
19 Ke o fa tsebo kajenoE le hore tshepo ya hao e be ho Jehova.
20 Ke o ngolletseE le hore ke o fe dikeletso le tsebo,
21 Ho o ruta mantswe a nnete le a tshepahalangE le hore o kgutle le tlaleho e nepahetseng ho ya o rommeng.
22 O se ke wa utswetsa bafutsana hobane ba futsanehile+Mme o se ke wa hatella ba hlokang ha o ena le nyewe le bona.*+
23 Jehova o tla buella nyewe ya bona,+O tla timetsa ba ba utswetsang.
24 O se ke wa dula le sefelapelwanaKapa wa tlwaelana le motho ya halefang le feela,
25 E le hore o se ke wa ithuta mekgwa ya haeYaba o itjhehela leraba.+
26 O se ke wa ba hara ba tshwaranang ka matsoho ho etsa tumellano,Ba itlamelang ho patala dikoloto tsa batho ba bang.+
27 Haeba o se na letho leo o ka lefang ka lona,Ba tla nka bethe ya hao o ntse o robetse ho yona.
28 O se ke wa tjhetjhisa moedi wa kgale,Oo baholoholo ba hao ba o sehileng.+
29 Na o ye o bone motho ya tsebang mosebetsi wa hae?
O tla ema ka pela marena,+A ke ke a ema ka pela batho feela.
Dintlha tse qetellong ya sehloho
^ Kapa: “lebitso le letle.” Ka Seheberu: “lebitso.”
^ Ka Seheberu: “ba a kopana.”
^ Kapa: “boiphihlelo.”
^ Kapa: “ba fumana kotlo.”
^ Kapa: “moshanyana; motjha.”
^ Ka Seheberu: “Ya leihlo le letle.”
^ Kapa: “Dinyewe.”
^ Ka Seheberu: “basele.” Sheba Diprov. 2:16.
^ Kapa: “moshanyana; motjha.”
^ Ka Seheberu: “keiting ya motse.”
