Esaia 11:1-16
11 Ho tla hlaha lekala+ kutung ya Jese,+Lehlomela+ le tswang metsong ya hae le tla beha ditholwana.
2 Moya wa Jehova o tla ba le yena,+Moya wa bohlale+ le wa kutlwisiso,Moya wa keletso le wa matla,+Moya wa tsebo le wa ho tshaba Jehova.
3 O tla thabela ho tshaba Jehova.+
A ke ke a ahlola ho ya ka ntho eo a e bonangKapa a kgalemela feela ho ya ka ntho eo a e utlwileng.+
4 O tla ahlola bafutsana ka toka,*A kgalemele ka ho loka molemong wa ba bonolo ba lefatshe.
O tla otla lefatshe ka mantswe a hae,*+A bolaye ya kgopo ka se tswang molomong wa hae.*+
5 Ho loka e tla ba lebanta thekeng la hae,Botshepehi e be lebanta la letheka la hae.+
6 Phiri e tla phomola le konyana,+Lengau le bothe le potsanyane,Namane, tau* le phoofolo e nonneng di be mmoho.*+
Moshanyana o tla di etella pele.
7 Kgomo e tla fula le bere,Manamane a tsona a bothe mmoho.
Tau e tla ja jwang jwalo ka poho.+
8 Ngwana ya anyang o tla bapalla mokoting wa noha ya masumu,Ngwana ya kgwesitsweng* a behe letsoho ka hodima mokoti wa noha e tjhefo.
9 Di ke ke tsa lematsa batho+Kapa tsa baka tshenyo thabeng yohle ya ka e halalelang+Hobane hohle lefatsheng batho ba tla tseba Jehova,Jwalo ka ha metsi a kwahela lewatle.+
10 Letsatsing leo, e mong ya tswang lelapeng la Jese*+ o tla ema e le pontsho* bakeng sa ditjhaba.+
Ditjhaba di tla batla tataiso ho yena*+Mme ho tla kganya moo a dulang.*
11 Letsatsing leo, Jehova o tla ithaopela ho bontsha matla a hae ka lekgetlo la bobedi, bakeng sa ho lata batho ba hae ba setseng Asiria,+ Egepeta,+ Pathrose,+ Kushe,+ Elame,+ Shinare,* Hamathe le dihlekehlekeng tsa lewatle.+
12 O tla phahamisetsa ditjhaba letshwao* mme a bokelle ba qhalakantsweng ba Iseraele.+ Ba hasantsweng ba Juda o tla ba bokella ho tswa dikgutlong tse nne tsa lefatshe.+
13 Mona wa Efraime o tla fela+Le dira tsa Juda di fediswe.
Efraime e ke ke ya monela JudaKapa hore Juda e hlorise Efraime.+
14 Bajuda ba tla fofela dilomo* tsa Bafilista ka bophirimela,Ba tlatlape batho ba Botjhabela ba le mmoho.
Ba tla hlola* Edomo+ le Moabe+Mme ba tla busa Baamone.+
15 Jehova o tla arola* kou* ya lewatle la Egepeta,+A foke letsoho la hae hodima Noka.*+
O tla otla dinokana tsa yona* tse supileng ka moya wa hae,A etse hore batho ba e tshele ba ntse ba rwetse dieta.*
16 Ho tla ba le tsela e kgolo bakeng sa batho+ ba hae ba setseng Asiria hore ba tswe+Feela jwalo ka ha e ile ya eba teng mohla Iseraele e neng e tswa naheng ya Egepeta.
Dintlha tse qetellong ya sehloho
^ Kapa: “ho loka.”
^ Ka Seheberu: “thupa ya molomo wa hae.”
^ Ka Seheberu: “ka moya wa molomo wa hae.”
^ Kapa mohlomong: “Namane le tau di tla ja mmoho.”
^ Kapa: “tawana e moetse.”
^ E leng ha ngwana a se a tlohedisitswe ho nyanya.
^ Ka Seheberu: “sebakeng sa hae sa phomolo.”
^ Kapa: “Ditjhaba di tla mo batla.”
^ Kapa: “palo.”
^ Ka Seheberu: “motso wa Jese.”
^ E leng Babilonia.
^ Kapa: “palo.”
^ Ka Seheberu: “lehetla.”
^ Kapa: “otlollela matsoho a bona ho.”
^ Kapa mohlomong: “pshese.”
^ Ka Seheberu: “leleme.”
^ E leng noka ya Eufrate.
^ Kapa mohlomong: “O tla e etsa dinokana.”
^ Ka Seheberu: “meqathatso.”
