Ka mora 4026 B.C.E.

“Noha” e belaella tokelo ya Jehova ya ho busa le tsela ya hae ya ho busa. Jehova o tshepisa ho hlahisa “ngwana” ya tla fedisa noha e leng Satane. (Genese 3:1-5, 15) Empa Jehova o dumella hore ho fete nako batho ba ntse ba ipusa ba laolwa ke noha e leng Satane.

1943 B.C.E.

Jehova o bolella Abrahama hore “ngwana” ya tshepisitsweng e tla ba e mong wa ditloholo tsa hae.—Genese 22:18.

Ka mora 1070 B.C.E.

Jehova o kgodisa Morena Davida mme ha morao o kgodisa le mora wa hae Solomone hore “ngwana” ya tshepisitsweng o ne a tla hlaha lelokong la bona.—2 Samuele 7:12, 16; 1 Marena 9:3-5; Esaia 9:6, 7.

29 C.E.

Jehova o tsebahatsa Jesu e le “ngwana” ya tshepisitsweng eo e tla ba Mojalefa teroneng ya Davida.—Bagalata 3:16; Luka 1:31-33; 3:21, 22.

 33 C.E.

Noha e leng Satane, e holofatsa “ngwana” ya tshepisitsweng ka ho etsa hore Jesu a bolawe. Jehova o tsosa Jesu hore a yo phela lehodimong mme o amohela bophelo ba Jesu bo phethahetseng boo a faneng ka bona e le sehlabelo mme e eba motheo wa tshwarelo ya dibe le ho fa ditloholo tsa Adama bophelo bo sa feleng.—Genese 3:15; Diketso 2:32-36; 1 Bakorinthe 15:21, 22.

Hoo e ka bang ka 1914 C.E.

Jesu o dihela noha e leng Satane lefatsheng mme o mo boloka moo ka nakwana.—Tshenolo 12:7-9, 12.

Bokamoso

Jesu o kwalla Satane ka dilemo tse 1 000 mme o a mo fedisa, o mo kgoba hlooho ka tsela ya tshwantshetso. Morero wa Jehova ka lefatshe le batho o a phethahala mme ho tloswa qoso lebitsong la hae le pusong ya hae.—Tshenolo 20:1-3, 10; 21:3, 4.