Esaia 44:1-28
44 Joale mamela, uena Jakobo mohlanka oa ka,Uena Iseraele, eo ke mo khethileng.+
2 Ana ke mantsoe a Jehova,Moetsi oa hao le ’Mopi oa hao,+Ea ileng a u thusa ho tloha ha u hlaha:*
‘U se ke oa tšoha, mohlanka oa ka Jakobo+Uena, Jeshurune,*+ eo ke mo khethileng.
3 Ke tla hasa ea nyoriloeng* ka metsi,+Ke etse hore melapo e phalle mobung o omeletseng.
Ke tla theolela moea oa ka holim’a bana* ba hao+Le tlhohonolofatso ea ka holim’a litloholo tsa hao.
4 Ba tla hlaha joaloka joang bo botala+Le joaloka lipopoliri pel’a melatsoana ea metsi.
5 E mong o tla re: “ ’Na ke oa Jehova.”+
Ha e mong eena a tla ipitsa ka lebitso la Jakobo,E mong a ingole letsohong: “Ke oa Jehova.”O tla ipitsa ka lebitso la Iseraele.’
6 Ana ke mantsoe a Jehova,Morena oa Iseraele+ le Molopolli+ oa eona, Jehova oa mabotho:
‘Ke ’na oa pele le oa ho qetela.+
Ha ho na Molimo ntle ho ’na.+
7 Ke mang ea kang ’na?+
A ke a bue ka sebete, a cho ’me a mphe bopaki.+
Na ho na le motho ho tloha nakong eo ke neng ke theha sechaba sa khale,Ea ka bolelang lintho tse tlangLe tseo e leng hona li tla etsahala?
8 Le se ke la tšoha,Le se ke la bolaoa ke letsoalo.+
Na ha kea le bolella kaofela ha lona le ho le tsebisa lintho tsohle esale pele?
Le lipaki tsa ka.+
Na ho na le Molimo e mong haese ’na?
Che, ha ho na Lefika le leng,+ ha ke tsebe le leng.’”
9 Bohle ba etsang litšoantšo tse betliloeng ha ba na thuso,Litšoantšo tsa bona tseo ba li ratang li ke ke tsa ba thusa ka letho.+
Le hoja litšoantšo tsena e le lipaki tsa bona, ha li bone letho ebile ha li tsebe letho.+
Kahoo, ba li entseng ba tla soaba.+
10 Ke mang ea hlokang kelello hoo a ka etsang molimo kapa a etsa setšoantšo* sa tšepeSe ke keng sa mo thusa ka letho?+
11 Bo-mphato ba hae ba tla hlajoa ke lihlong,+Litsebi tsa mesebetsi ea matsoho ke batho feela.
Ba ke ba phuthehe kaofela ’me ba eme.
Kaofela ba tla tšoha ba be ba soabe.
12 Ea sebetsang ka tšepe o e besa mashaleng.
Ka letsoho la hae le matla+O e khoba ka hamore ’me oa e lokisa.
O se a lapa, a felloa ke matla.
Ha a noe metsi kahoo oa khathala.
13 ’Metli oa lepolanka o otlolla khoele e methang ebe o tšoaea moralo ka choko e khubelu.
O betla lepolanka ka chesele ’me o tšoaea moralo ka thulusi e toroeangO etsa moralo oa setšoantšo sa motho+Hore se be setle joaloka mothoE le hore se lule ka tlung.*+
14 Ho na le eo mosebetsi oa hae e leng ho rema likedare.
O khetha mofuta o itseng oa sefate, sefate sa ouku,*O se tlohela hore se be seholo har’a lifate tsa moru.+
O lema sefate sa lorele ’me pula e etsa hore se hole.
15 Ka mor’a moo, se fetoha patsi eo motho a ka besang mollo ka eona.
E ’ngoe o iphuthumatsa ka eona.
O besa mollo ebe o pheha bohobe.
Empa o boetse o etsa molimo ’me oa mo inamela.
O etsa setšoantšo se betliloeng ka eona ’me oa se khumamela.+
16 Halofo ea sona o e chesa mollong.
Ka halofo eo o besa nama eo a e jang ebe oa khora.
Hape oa iphuthumatsa ’me o re:
“Eke! Ke futhumetse ha ke ntse ke shebile malakabe.”
17 Empa se setseng o se etsa molimo, o se etsa setšoantšo sa hae se betliloeng.
Oa se khumamela le ho se rapela.
Oa se rapela o re:
“Ntopolle hobane u molimo oa ka.”+
18 Ha ba tsebe letho, ha ba utloisise letho.+
Kaha mahlo a bona a koetsoe, ha ba boneLe lipelo tsa bona ha li na temoho.
19 Ha ho na ea nang le tsebo kapa kutloisisoKapa ea reng ka pelong:
“Ke besitse halofo ea sona mollong,Ka mashala a sona ka pheha bohobe, ka besa nama ka ja.
Na joale ka se setseng ke tla etsa ntho e nyonyehang?+
Ke khumamele sekotoana sa patsi e ommeng?”
20 O ja molora.
Pelo ea hae e thetsitsoeng e mo khelositse.
A ke ke a pholosa bophelo ba hae kapa a re:
“Ho na le leshano ka letsohong la ka le letona.”
21 “Hopola lintho tsena, uena Jakobo, uena IseraeleHobane u mohlanka oa ka.
Ke u entse ’me u mohlanka oa ka.+
Uena Iseraele, nke ke ka u lebala.+
22 Ke tla koahela* liphoso tsa hao joalokaha eka li koahetsoe ka leru+Le libe tsa hao joalokaha eka li koahetsoe ka leru le leholo.
Khutlela ho ’na hobane ke tla u lopolla.+
23 Hoeletsang le thabile, lona maholimoHobane Jehova o nkile khato.
Hoeletsang le thabile, lona likarolo tse tlase-tlase tsa lefatše.
Hoeletsang le nyakaletse, lona lithaba,+Uena moru le lifate tsohle tsa hao.
Jehova o lopolotse Jakobo,O bontša Iseraele botle ba hae.”+
24 Ana ke mantsoe a Jehova, Molopolli oa hao+Ea u entseng ho tloha ha u sa le ka popelong:
“Ke ’na Jehova, ke entse ntho e ’ngoe le e ’ngoe,Ke otlolotse maholimo ke le mong,+Ka ala lefatše.+
Ke mang ea neng a e-na le ’na?
25 Ke etsa hore lipontšo tsa ba buang lintho tse sieo* li se ke tsa atleha.
Ke ’na ea etsang hore linohe li itšoare joaloka mahlanya,+Ea ferekanyang banna ba bohlaleLe ea fetolang tsebo ea bona booatla.+
26 Ke ’na ea etsang hore lentsoe la mohlanka oa ka le phethahaleLe ea phethang boprofeta ba baromuoa ba ka ka botlalo.+
Ke ’na ea reng ka Jerusalema, ‘E tla ba le baahi’+Le ka metse ea Juda, ‘E tla tsosolosoa+’Me ke tla tsosa lithako tsa eona.’+
27 Ke ’na ea reng ho boliba, ‘Psha!
Ke tla pshesa linoka tsohle tsa hao.’+
28 Ke ’na ea reng ka Saeruse,+ ‘Ke molisa oa ka,O tla phetha thato ea ka ka botlalo.’+Ke ’na ea reng ka Jerusalema, ‘E tla tsosolosoa’Le ka tempele, ‘Motheo oa hao o tla raloa.’”+
Linaletsana
^ Kapa: “u sa le ka popelong.”
^ E bolelang “Ea Tšepahalang” e leng tlotla e hlomphang Iseraele.
^ Kapa: “naha e omeletseng.”
^ Ka Seheberu: “peo.”
^ Kapa: “seemahale.”
^ Kapa: “tempeleng.”
^ Kapa: “eike.”
^ Kapa: “hlakola.”
^ Kapa: “baprofeta ba bohata.”
