Jobo 33:1-33
33 Jobo ke kopa u ’mamele,U mamele lintho tsohle tseo ke tla li bua.
2 Ke kopa u ’mamele,Ho na le ntho eo ke lokelang ho u bolella eona.
3 Mantsoe ao ke tl’o a buaA tsoa pelong+ ebile ke ’nete.
4 Molimo ke eena ea nkentseng ka matla a hae,+Ea Matla ’Ohle o entse hore ke phele.+
5 U ka nkaraba haeba u khona,U ipuelle.
6 ’Na le uena rea tšoana ho Molimo oa ’neteLe ’na ke bopiloe ka letsopa joaloka uena.+
7 Kahoo, ha oa lokela ho ntšaba,Nke ke ka bua lintho tse tla u utloisa bohloko.
8 Empa ke utloile lintho tseo u neng u li buaHa u re,
9 ‘Ke hloekile, ha ke na molato+Ebile ha kea etsa letho le phoso.+
10 Empa Molimo o fumana mabaka a ho ntšoaea liphoso’Me o nka hore ke sera sa hae.+
11 Oa nkahlola.*
O sheba ntho e ’ngoe le e ’ngoe eo ke e etsang.’+
12 Empa u fositse. Kahoo, ke tla u araba:
Molimo o moholo haholo ho feta motho.+
13 Ke hobane’ng ha u tletleba ka eena?+
Na ke hobane a sa u araba?+
14 Molimo o bua hangataEmpa batho ha ba mamele.
15 O bua le bona ka litoro, lipono tsa bosiu+Ha batho ba khalehile,Ba robetse libetheng tsa bona.
16 O ba bula litsebe+Ebe o etsa hore ba utloe* litaelo tsa hae
17 E le hore motho a tlohele ho etsa lintho tse mpe+Le hore a se ke a ikhohomosa.+
18 Molimo oa mo sireletsa hore a se ke a oela sekoting,*+Oa mo pholosa e le hore a se ke a bolaoa ka sabole.*
19 Ho na le ntho eo motho a ka ithutang eona ha a le betheng a kulaEbile a opeloa ke masapo.
20 Ka nako eo ha a sa batla lijo,Le lijo tse monate ha a sa na taba le tsona.+
21 O ntse a otaLe masapo a hae aa bonahala.
22 O haufi le ho ea sekoting,O haufi le batho ba batlang ho ’molaea.
23 Haeba ho e-na le moromuoa* a le mong,’Muelli a le mong ho ba sekete ea ka mo buellang’Me a mo bolelle hore na ke eng e lokileng
24 Ebe Molimo o mo utloela bohloko ’me o re,‘Mo pholoseng hore a se ke a oela sekoting.+
Ke fumane tsela ea ho mo lopolla.+
25 A ke a nchafale* ho feta ha a ne a le mocha.+
A boele a be matla joaloka bocheng ba hae.’+
26 O tla rapela Molimo+ ’me o tla mo hauhela,O tla thaba haholo ha a bona sefahleho sa Molimo’Me Molimo o tla boela a mo nke e le motho ea lokileng.
27 Motho eo o tla re ho batho ba bang,*‘Ke sentse se nepahetseng ’me ke entse sebe+Empa ha kea fumana kahlolo e ntoketseng.*
28 O mpholositse e le hore ke se ke ka oela sekoting+’Me ke tla ’ne ke phele.’
29 Kannete Molimo o etsetsa motho lintho tsenaKa makhetlo a mangata,
30 O etsa hore a se ke a oela sekotingE le hore a ’ne a thabele ho phela.+
31 ’Mamele Jobo, u ’mamele ka hloko.
U thole ’me ke tla ’ne ke bue.
32 Haeba ho e-na le ntho eo u batlang ho e bua, e bue.
Bua hobane ke batla ho bontša hore ha u na molato.
33 Haeba ho se na ntho eo u ka e buang u ’mamele.
U thole ’me ke tla u hlalefisa.”
Linaletsana
^ Ka Seheberu: “O kenya maoto a ka metšoasong.” Sheba Tlhaloso.
^ Kapa: “ba se ke ba li lebala.”
^ Kapa: “lebitleng.”
^ Kapa: “ka sebetsa (lerumo).”
^ Kapa: “lengeloi.”
^ Kapa: “phele hantle.”
^ Ka Seheberu: “o tla bina a re.”
^ Kapa mohlomong: “ ’me seo ha sea ntsoela molemo.”
