Lipesaleme 36:1-12
Ho motsamaisi. Pesaleme ea Davida, mohlanka oa Jehova.
36 Bobe bo ka hare-hare ka pelong ea motho bo mo susumeletsa ho etsa lintho tse mpe.
Ha a tšabe Molimo.+
2 O ipona a le bohlokoa haholoHoo a sa hlokomeleng phoso ea hae le ho e hloea.+
3 Mantsoe a hae aa hlaba ebile aa thetsa.
Ha a na bohlale ba ho etsa lintho tse ntle.
4 Esita leha a le betheng ea hae o rera lintho tse kotsi.
O tsamaea tseleng e sa lokang.
Ha a tlohele lintho tse mpe.
5 Jehova, lerato* la hao le fihla leholimong,+Botšepehi ba hao bo fihla marung.
6 Toka ea hao e joaloka lithaba tse kholo.*+
Likahlolo tsa hao li tšoana le metsi a mangata a tebileng.+
Jehova, u pholosa* motho le phoofolo.+
7 Molimo, lerato* la hao le bohlokoa haholo.+
Bara ba batho ba balehela moriting oa mapheo a hao.+
8 Ba noa lintho tse ngata tse monate tsa ntlo ea hao ho fihlela ba khotsofetse,+U ba fa lintho tse ngata tse thabisang joalokaha eka u ba noesa nokeng e nang le metsi a mangata.+
9 U mohloli oa bophelo.+
Ka leseli la hao re khona ho bona leseli.+
10 U ’ne u bontše ba u tsebang hore oa ba rata*+Le ba lipelo li ntle hore u lokile.+
11 U se ke oa lumella hore ke hatakeloe ke leoto la ea ikhohomosangKapa hore letsoho la ea khopo le nteleke.
12 Ba etsang lintho tse mpe ke bao ba oele.
Ba lahletsoe fatše ’me ha ba khone ho ema.+
Linaletsana
^ Kapa: “lerato le tšepahalang.” Sheba Tlhaloso.
^ Ka Seheberu: “joaloka lithaba tsa Molimo.”
^ Kapa: “boloka.”
^ Kapa: “lerato le tšepahalang.” Sheba Tlhaloso.
^ Kapa: “lerato le tšepahalang.” Sheba Tlhaloso.
