Lipesaleme 75:1-10
-
Molimo o ahlola ka toka
-
Ba khopo ba tla noa veine ka kopi ea Jehova (8)
-
Ho motsamaisi. E binoe ka molumo oa “U se ke oa Senya.” Pesaleme ea Asafe.+ Pina.
75 Rea u leboha, Molimo, rea u leboha.
U haufi le rona,*+Batho ba bolela mesebetsi ea hao e hlollang.
2 U re: “Ha ke behile nako,Ke ahlola ka toka.
3 Ha lefatše le baahi bohle ba lona ba thothomela,Ke ’na ea ileng a etsa hore lipilara tsa lona li lule li tiile.” (Selah)
4 Ke re ho ba ikhohomosang, “Le se ke la ikhohomosa,”Ke re ho ba khopo, “Le se ke la ithorisa ka hore le na le matla.*
5 Le se ke la ithorisa ka hore le na le matla a maholo*Kapa la bua le ikhohomosa.
6 Bophahamo ha bo tsoeBochabela, bophirimela kapa boroa.
7 Molimo ke Moahloli.+
O kokobetsa motho e mong ebe o phahamisa e mong.+
8 Ho na le kopi letsohong la Jehova.+
Veine e entse lekoeba ebile e tsoakiloe hantle.
O tla e qhala,Batho bohle ba khopo lefatšeng ba tla e noa ba sa siee letho.”*+
9 Empa ha e le ’na, ke tla bua ka ho sa feleng ka lintho tseo Molimo a li entseng.
Ke tla binela* Molimo oa Jakobo lithoriso.
10 O re: “Ke tla felisa matla* ’ohle a ba khopoEmpa ke tla eketsa matla* a ba lokileng.”
Linaletsana
^ Ka Seheberu: “Lebitso la hao le haufi.”
^ Ka Seheberu: “Le se ke la phahamisa lenaka la lona.”
^ Ka Seheberu: “Le se ke la phahamisetsa lenaka la lona holimo.”
^ Ka Seheberu: “le litšifa tsa eona.”
^ Kapa: “letsetsa.”
^ Ka Seheberu: “Ke tla khaola manaka.”
^ Ka Seheberu: “manaka a ba lokileng a tla phahamisoa.”
