Lipesaleme 95:1-11
95 Tloong, re hoeletseng Jehova re thabile.
A re hoeletseng ka thabo ’me re rorise Lefika la rona le re pholosang.+
2 A re tleng ka pel’a hae* re mo lebohe.+
A re hoeletseng re thabile ’me re mo binele lithoriso.
3 Jehova ke Molimo e moholo,Ke Morena e moholo ho feta melimo e meng eohle.+
4 O laola libaka tse tlase tsa lefatše.
Lithaba tse phahameng ke tsa hae.+
5 Leoatle ke la hae, ke eena ea le entseng.+
O bopile lefatše ka matsoho a hae.+
6 Tloong, re rapele ’me re iname.
A re khumameleng Jehova Moetsi oa rona.+
7 Ke Molimo oa rona’Me re linku tsa lekhulo la hae,Re linku tseo a li hlokometseng.*+
Haeba le mamela lentsoe la hae kajeno,+
8 Le se ke la ba manganga joaloka baholo-holo ba lona ha ba le Meriba,*+Le joaloka mohla ba neng ba le Masa* lefeelleng,+
9 Ha ba ne ba nteka.+
Ba ile ba nteka le hoja ba bone mesebetsi ea ka.+
10 Ke ile ka nyonya moloko oo ka lilemo tse 40 eaba ke re:
“Ke sechaba se lulang se ntlhanohela ka lipelong tsa sona.
Ha se tsebe litsela tsa ka.”
11 Kahoo, ka ikana ke halefile ka re:
“Ba ke ke ba phomola le ’na.”+
Linaletsana
^ Ka Seheberu: “ka pel’a sefahleho sa hae.”
^ Ka Seheberu: “tsa letsoho la hae.”
^ E bolelang “Ho Qabana.”
^ E bolelang “Ho Leka, Teko.”
