Lipesaleme 98:1-9
-
Jehova, Mopholosi le Moahloli ea lokileng
-
Ho tsebisitsoe batho hore Jehova oa pholosa (2, 3)
-
Pina.
98 Binelang Jehova pina e ncha+Hobane o entse lintho tse hlollang.+
O re pholositse* ka letsoho la hae le letona le halalelang.+
2 Jehova o tsebisitse batho hore oa pholosa.+
O bontšitse lichaba hore ke Molimo ea lokileng.+
3 O hopotse tšepiso ea hae ea hore o tla rata Baiseraele le ho ba tšepahalla.+
Lefatše lohle le bone hore Molimo oa rona oa pholosa.*+
4 Hoeletsang le thabile ’me le rorise Jehova lona bohle ba lefatšeng.
Thabang le hoeletse le thabile ’me le bine lithoriso.+
5 Binelang Jehova lithoriso ka harepa,Ka harepa le ka pina e monate.
6 Hoeletsang le thabile ka pel’a Morena, Jehova,+Le letsa literompeta le lenaka.
7 Leoatle le tsohle tse ho lona li ke li hoeletse li thabileHammoho le lefatše le ba lulang ho lona.
8 Linoka li ke li ope liatla.
Lithaba li hoeletse ka thabo hammoho+
9 Ka pel’a Jehova hobane o tl’o ahlola lefatše.
O tla le ahlola ka toka,+A ahlole le lichaba ka toka.+
