Ha mongoli oa Bibele Luka a bua ka tlaleho ea bophelo ba Jesu o ile a re: “Ke setse lintho tsohle morao ho tloha qalong ka ho nepahala.”—Luka 1:3.

 Batho ba bang ba bolela hore litlaleho tsa bophelo ba Jesu tse Likosepeleng—mangolo a ngotsoeng ke batho ba phetseng mehleng ea hae ba kang Matheu, Mareka, Luka le Johanne—li ile tsa fetoloa neng-neng lekholong la bone la lilemo.

 Leha ho le joalo, sekhechana sa bohlokoa sa Kosepele ea Johanne se ile sa fumanoa Egepeta ho elella qetellong ea lekholo la bo20 la lilemo. Kajeno se tsebahala e le Papyrus Rylands 457 (P⁵²) ’me se bolokiloe Laebraring ea John Rylands e Manchester, Engelane. Sekhechana seo se na le karolo eo e leng Johanne 18:31-33, 37, 38, Libibeleng tsa morao tjena.

 Sekhechana sena sa khale se ngotsoeng ka letsoho ke sona se tsebahalang sa Mangolo a Segerike a Bakreste. Litsebi tse ngata li lumela hore se ile sa ngoloa hoo e ka bang ka 125 C.E., e leng lilemo tse ka bang 25 ka mor’a hore buka ea pele e ngoloe. Se ngotsoeng moo se batla se lumellana hantle le se libukeng tse ngotsoeng ka letsoho tse tlileng hamorao.