Abdi Kudu Kumaha Mun Kacanduan Pornografi?
Nu bisa anjeun lakukeun
Kudu ngarti pornografi téh dijieun keur naon. Pornografi dijieun pikeun ngarendahkeun hal-hal nu ceuk Allah kudu dihormat. Mun urang ngarti kana hal ieu, urang bisa ”ngamusuh kagorengan”.—Jabur 97:10.
Pikirkeun balukarna. Pornografi téh sabenerna ngarendahkeun jalma-jalma nu aya dina gambar atawa vidéo éta jeung nu nongtonna. Alkitab méré naséhat, ”Jalma anu surti mah kana pibahlaeun teh awas, seug disingkahan.”—Siloka 22:3.
Kudu boga tékad. Saurang hamba Allah dina jaman baheula nu ngaranna Ayub ngomong kieu, ”Kuring geus sumpah, jangji moal pelang-pelong ka mojang bari dilamun.” (Ayub 31:1) Urang bisa nyonto Ayub sarta boga tékad pikeun:
Teu maén Internét waktu keur sorangan.
Langsung nutup gambar atawa iklan porno nu aya dina Internét.
Nyarita ka babaturan nu bisa dipercaya mun kacanduan pornografi.
Beuki sering saurang jalma ningali pornografi, beuki hésé leupasna
Doakeun. Nu nulis jabur ménta tulung ka Allah Yéhuwa, ”Mugi abdi ulah dugi ka mikahayang [ningalian] anu taya pigunaeunana.” (Jabur 119:37) Allah hayang anjeun aya di jalan nu lempeng. Jadi, lamun anjeun ngadoa, Allah bisa méré anjeun kakuatan pikeun ngalakukeun nu bener!—Filipi 4:13.
Carita ka jalma nu bisa dipercaya. Mun anjeun nyarita ka batur, anjeun bakal leuwih gampang pikeun ngeureunkeun kabiasaan ieu.—Siloka 17:17.
Sing inget: Unggal anjeun ngalawan gogoda pikeun nongton pornografi, anjeun téh geus ngéléhkeun kahayang nu goréng. Caritakeun hal ieu ka Allah sarta haturkeun nuhun sabab Anjeunna geus méré kakuatan. Mun anjeun ngalawan gogoda pikeun nongton pornografi, anjeun téh nyenangkeun haté Yéhuwa!—Siloka 27:11.
Tingali ogé
PANANYA NU DIJAWAB ALKITAB
Kumaha Pandangan Alkitab ngeunaan Pornografi? Cybersex téh Salah Teu?
Hiburan ngeunaan séks geus jadi hal nu umum. Naha hartina éta geus teu salah?
PANANYA BUDAK NGORA
Ku Naon Urang Kudu Ngajauhan Pornografi?
Naon sasaruaanana nongton pornografi jeung ngudud?
PANGAJARAN PENTING
Naha Enya Pornografi téh Dosa ka Allah?
Kecap ”pornografi” téh aya kitu dina Alkitab? Kumaha parasaan Allah kana pornografi?
