Ayub 31:1-40
31 ”Urang geus jangji ka diri* sorangan
Moal pelang-pelong ka mojang bari boga pikiran kotor.
2 Mun urang siga kitu, urang bakal dibéré naon ku Allah nu aya di sorga?Urang bakal narima naon ti Nu Mahakawasa nu aya di luhur?
3 Kapan jalma jahat téh bakal keuna musibat.Jalma nu sok nyilakakeun téh bakal keuna ku bahla, pan?
4 Allah teu ningali kitu jalan hirup urang?Teu merhatikeun kitu unggal léngkah urang?
5 Pernah kitu urang ngabohong*
Atawa tupa-tipu ka batur?
6 Mugia Allah nimbang urang ku timbangan nu bener.Ku kituna Anjeunna apal urang téh satia ka Anjeunna.
7 Lamun urang méngpar tina jalan nu bener,Atawa haté urang kagoda ku nu ditingali ku panon,Atawa leungeun urang lamokot ku kajahatan,
8 Keun baé urang nu nebar binihna, batur nu ngadaharna,Sarta naon nu dipelak ku urang kop dirabut.*
9 Lamun haté urang kapincut ku awéwé,Sarta urang ngadodoho pamajikan batur di lawang pantona,
10 Keun pamajikan urang sina ngagiling gandum keur lalaki séjén.Keun lalaki séjén sina ngalakukeun hubungan séks jeung pamajikan urang.
11 Sabab kalakuan nu kararitu téh ngérakeun,Éta téh kasalahan nu pantes dihukum ku para hakim.
12 Éta kawas seuneu nu ngaduruk jeung ngamusnakeun,Malahan ngaduruk kabéh hasil gawé urang.
13 Mun palayan urang, boh lalaki boh awéwé,Gegelendeng ka urang,* tapi teu dibéré kaadilan ku urang,
14 Urang kudu kumaha waktu ngadep ka Allah?
Urang kudu ngajawab naon waktu dipariksa ku Anjeunna?
15 Lainna Allah nu nyieun urang di jero kandungan téh nyieun maranéhna ogé?
Saacan dijurukeun, nya urang nya maranéhna sarua dibentuk ku Anjeunna, pan?
16 Lamun urang teu nyumponan kahayang jalma miskinAtawa nyababkeun hiji randa ceurik,
17 Lamun urang dahar sorangan,Teu babagi ka yatim pahatu,
18 (Sabab ti ngongora, urang geus dianggap bapa ku nu yatim pahatu éta,Sarta ti leuleutik,* urang geus mantuan éta randa.)
19 Lamun urang ngantep jalma téréh maot lantaran katirisan teu boga baju,Atawa ngantep jalma miskin teu boga nanaon keur nutupan awakna,
20 Lamun manéhna teu ngaberkahan urangLantaran ku urang teu dibéré wol jang ngahaneutan awakna,
21 Lamun urang meureupan yatim pahatuPadahal manéhna téh butuh bantuan* urang di gerbang kota,
22 Keun leungeun urang sina coplok tina taktak,*Keun siku urang sina potong.
23 Urang mah sieun ku bahla ti Allah,Sarta urang teu bisa nangtung di hareupeun kamulyaana-Na.
24 Lamun urang ngandelkeun emasAtawa ngomong ka emas murni, ’Manéh téh andelan urang!’
25 Lamun urang agul lantaran urang beunghar pisanSarta boga loba harta banda,
26 Lamun urang ningali panonpoé cahayaanAtawa ningali gerak bulan nu sakitu éndahna,
27 Tuluy haté urang kapincut,Nepi ka urang nyium leungeun sorangan tanda nyembah,
28 Tah éta kabéh téh kasalahan nu pantes dihukum ku para hakim,Sabab urang geus mungkir ti Allah nu bener di sorga.
29 Pernah kitu urang atoh waktu musuh urang cilakaAtawa mupuas waktu manéhna keuna musibat?
30 Urang teu pernah nyieun dosa ku biwir sorangan.Urang teu pernah nyumpahan manéhna sina maot.
31 Pan jalma-jalma di kémah urang sok ngaromong kieu,’Saha nu teu dibéré dahar* ku Ayub nepi ka seubeuh?’
32 Euweuh urang asing nu kapaksa meuting di luar.Nu ngumbara sok diajak mondok di imah urang.
33 Pernah kitu urang nutupan palanggaran kawas batur,Nyumputkeun kasalahan urang di jero pakéan?
34 Pernah kitu urang sieun ka jalma réaAtawa sieun dipikangéwa ku kulawarga séjén,Nepi ka urang kudu jempé jeung teu wani kaluar imah?
35 Coba mun aya nu ngadéngékeun urang!
Tanda tangan urang bakal neguhkeun yén omongan urang téh bener.
Mugia Nu Mahakawasa ngajawab urang!
Coba lamun nu nuduh urang nuliskeun tuduhanana dina kertas!
36 Éta rék dibabawa dina taktak,Rék diterapkeun dina sirah lir makuta.
37 Sagala kalakuan urang téh rék diunjukkeun ka Allah.Kawas pamingpin, urang moal sieun ngadep ka Anjeunna.
38 Lamun lahan urang ngajerit ménta tulungSarta tapak wuluku careurik gara-gara urang,
39 Lamun urang ngadahar hasil panén batur tapi teu mayar,Atawa nu bogana jadi susah gara-gara urang,
40 Keun gandum dina lahan urang sina jadi rungkun cucuk,Keun barli sina jadi jujukutan nu bau.”
Sakitu omongan Ayub téh.
Catetan Tambihan
^ As. ”panon”.
^ Atawa bisa jadi ”urang gaul jeung jalma nu teu jujur”.
^ Atawa ”Sarta turunan urang dibasmi”.
^ Atawa ”Ngagugat urang”.
^ As. ”ti jero kandungan kénéh”.
^ Atawa bisa jadi ”Padahal loba nu ngadukung”.
^ Atawa ”walikat”.
^ As. ”daging”.
